2014年1月30日 星期四

[忽然1周 966] 洪金寶大丈夫 洪金寶,MW,




62歲嘅洪金寶一頭灰髮、戴住超,真係好有台型!好在 48歲嘅高麗虹都 keep得好 fit嚇,唔係大哥大點會拖得咁實。

媽咪姐

洪金寶大丈夫

男人有好多種,最簡單分為「好」同「壞」,仲有「大」同「小」。大哥洪金寶就梗係大男人嘅佼佼者喇!佢份人講嘢大大聲,行路永遠行先。呢日見佢喺中環置地門口等車,連企嘅姿勢都霸氣過人。

雖然洪大哥係大男人,但唔代表佢對老婆唔好喎!睇佢等車時同高麗虹十指緊扣,仲好情深咁望住老婆,媽咪姐完全感受到呢 pair老夫老妻有幾 sweet。剛中見柔,咁先係真正嘅男子漢大丈夫呀!

大哥大嘅鐵漢柔情唔止對老婆,睇嚇佢對住洪天明同孫仔洪大仁幾肉緊,仲煮埋補品俾新抱周家蔚食㖭。

18年不變

呀!睇番 95年嘅結婚相,洪金寶夫婦嘅體形咁多年都無變過,肥嘅繼續肥,瘦嘅繼續瘦,真係 perfect match。



鍾意就快D Share啦!
Related Posts Plugin for WordPress, Blogger...