2014年1月2日 星期四

[壹週刊 1243] 楊恭如 豪買名牌風扇 楊恭如,M1,




楊恭如同媽咪喺 Lane Crawford巡咗一圈,停低賣首飾嘅櫃枱,兩母女對飾櫃內嘅珍珠鑽飾睇完又篤,不過冇幫襯。

同你吟一吟

楊恭如 豪買名牌風扇

當年被「隊」爆有上海富商周正毅包養,可以豪住月租十二萬裕景花園同小小超做鄰居,搞到俾正印毛玉萍當眾摑嘅楊恭如,自從○三年「老細」出事,佢亦俾廉署搵上門,幾乎周身蟻嘅楊恭如唯有無鞋挽屐走,搬返鄉下上海長住。

年近四張仲未嫁得出,楊恭如趁聖誕前減價,孖住被指貪富嫌貧嘅恭如媽返香港買買買,兩母女喺銅鑼灣時代廣場逐處望,買完 BV,再睇家電,見 Dyson做緊優惠, Hot+Cool嘅 fan heater都係四千鬆就有交易,賺人仔嘅楊恭如再打個八折,抵,買!

喺時代廣場嘅 BV(箭嘴)同豐澤使完錢,楊恭如走落大堂接待處搞積分,左問右問,足足磨咗十五分鐘先滿意離開。

同胞嚟到香港,除咗名店,亦愛莎莎、卓悅,國產嘅楊恭如同負責拎住盒新買嘅 Dyson,由時代廣場殺上去利舞台莎莎。

呢款 Dyson Hot Cool兩用 fan heater,初推出要五千六起跳,現時已跌到四千二至四千都有交易,如果唔係幫襯大型連鎖店,三千七都買到行貨。

行到差唔多六點,兩母女轉場行過禮頓道, join埋細佬三仔乸坐低開餐,其間背門口坐嘅楊恭如不時兩頭望,十分警覺。嗱,雖然都係意大利餐廳,但呢間係 Habitu,唔係 Cova喎,唔會有人走埋嚟摑你嘅!

同阿媽細佬開餐,背門坐嘅楊恭如不時戒備左右望,食都唔安樂。



楊恭如○二年搭上周正毅,關係曝光後,有指佢俾正印毛玉萍當眾掌摑,近年楊恭如接受內地傳媒訪問,亦承認有其事。



鍾意就快D Share啦!
Related Posts Plugin for WordPress, Blogger...