網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月15日 星期三

[FACE 347] 內地爆紅 身價 double  G.E.M. 2千呎複式閨房曝光 G.E.M.,鄧紫棋,MF,




出道 6年, G.E.M.在港已經進駐過 3次紅館、晉升巨肺天後行列,不過在內地就知名度欠奉,《我是歌手 2》首曝光,一鳴驚人。

封面

內地爆紅 身價 double  G.E.M. 2千呎複式閨房曝光

未睇過《我是歌手 2》?未聽過 G.E.M.唱〈存在〉?咁你就輸喇! 22歲鄧紫棋作為香港代表,參加強國最高收視歌手鬥唱節目,唱贏內地老牌歌手韓磊、叮走台灣金曲歌王曹格,唔只做咗香港之光、仲爆紅全國,邊個仲敢話香港樂壇已死?

排名一集高過一集、微博粉絲人數集集倍升、賺夠名氣,人仔自然亦都跟住嚟。本刊發現, G.E.M.去年一個月內連掃荃灣韻濤居兩個單位,首做業主自製 2千呎複式豪宅,今時今日, 1,300萬港紙對小巨肺嚟講濕濕碎!

兩週前,在強國仲係默默無聞、人人淨係知佢係林宥嘉女朋友,兩週後,風頭已經蓋過男朋友仔、成為強國 00年後最愛美女巨肺歌手, 22歲港產歌星鄧紫棋今次由強國威返嚟香港,最重要係識揀,《我是歌手》首季去年收視全國第一、湖南衞視年年全國冠軍、仲要接住爆紅節目《爸爸去哪兒》出街,再加埋絕不失禮的巨肺,想唔成名都難!

第 2集 淘汰曹格

第二集首次演繹其他歌手歌曲, G.E.M.選擇演繹章子怡男友、內地搖滾歌手汪峰名曲〈存在〉,升上歌手排名第二位,鐵定仲有多兩集唱。

採取每兩集淘汰制的《我是歌手 2》上週五( 10日),曹格成為首位淘汰歌手,外傳第 3集替補上位的將是內地歌手張傑。

網上圖片

至於演唱〈在水一方〉的「中國 Whitney Houston」韋唯,第二集名次力壓 G.E.M.奪冠,不過賽果就惹來極多非議,觀眾大多為 G.E.M.抱不平。

網上圖片

40萬仲有得升

紅到呢步一啲唔容易,去年 11月, G.E.M.錄影無綫節目《勁歌金曲》,接受主持鄭丹瑞訪問時,已經透露過北上發展困難重重:「我以前上去內地,介紹自己係香港歌手,工作人員就會隱隱約約聽到人講『香港歌手即係唔使聽啦!』。去到內地真係重新做一個新人,要好勤力至得!」

出道 6年的 G.E.M.在港一早是一線歌手、演唱會開到入紅館,不過據悉在人仔市場一直係奀星價。近兩年主打走南創北積極打入內地市場後, G.E.M.去年騷價有增進,達到六位數字,不過真正高峰則是《我是歌手 2》播出以後,知情人士透露,已由 20萬急升至 40萬,直達梁詠琪、陳慧琳,同多位成名多年的上岸級天後看齊,再播多幾集,肯定仲有得升!

3日首播至今不足兩週, G.E.M.微博粉絲已經由 150萬暴漲至 280萬,唔只受普通百姓愛戴,圈中人亦排隊吹捧,〈存在〉原唱汪峰、校長譚詠麟同天後那英都點名讚。

綵排時狀態麻麻, G.E.M.緊張等候賽果時竟然升上第 2位。



第二季《我是歌手》月初( 3日)首播後, G.E.M.即時在 7位資深歌手中脫穎而出,既是百度女歌搜尋排行第一,亦因為外形標青,力壓 AV女神蒼井空和韓星樸信惠成為全國美女搜尋第一位。

2廳 6房

荃灣韻濤居 2000年建成, G.E.M.購入的複式單位由前業主自製,兩層面積共 1956呎,原本各層有三房一廳一工人房及儲物房,上層的三間房被打通成為無敵客飯廳及客廁,樓下則有主人套房外加兩個睡房,另外還有一個工人房及兩個儲物房。咁多間房,練琴作曲招呼朋友大把地方俾 G.E.M.用!

網上圖片

上手業主(右)有琴, G.E.M.新居一樣有琴,仲係同款添!

《蘋果日報》圖片

11年已經被前業主自製複式,新屋所有改動及樓梯都入則審批過絕無僭建隱憂。

《蘋果日報》圖片

雖然所有廳房望唔到深井著名嘅三橋海景,但總算望到青衣海峽,年紀細細的 G.E.M.唔只識搵錢仲好識嘆添!(此為上手業主裝修)

《蘋果日報》圖片

《蘋果日報》圖片

21歲買千萬樓

每週飛上湖南錄影節目外, G.E.M.都冇忘本,除咗話明杯葛的叱吒外,出齊其他樂壇頒獎典禮。週日( 12日),便在港台奪得十優歌手。《蘋果日報》圖片

參賽兩集已經粉絲、騷價雙線標升,據知 G.E.M.現時已錄影至第四集,而網絡更盛傳她將以大熱姿態進入最終回決賽,睇怕本來租屋獨居的 G.E.M.都預見自己潛力無限,一年前已經膽粗粗做業主,仲要一次過掃兩層。

3年前開始搬離娘家遷入韻濤居獨居,先租後買。據田土廳資料顯示, 12年 12月, G.E.M.先行以 625萬買入高層一個近千呎海景單位,一個月後再以同樣價錢掃入樓上單位,當年 21歲女已經坐擁韻濤居唯一一個自製複式單位。雖然唔係一炮過買入,仍然要按月供樓,但照最近騷價狂飆、名氣急升走勢,睇怕付清餘款再次入市話咁快!

G.E.M.認置業:租樓太貴。

置裝備戰

上月被本刊拍到與經理人張丹、形象設計 Emma齊齊逛, G.E.M.表示:「湖南天氣好凍(晚間約 0度),係特登去買啲禦寒衫。」

年紀小小坐擁複式單位, G.E.M.刻意低調保持沉默,絕少向傳媒提及已經置業,連最愛自鋪自拍照的社交網絡,亦小心翼翼避過屋外景色及室內樓梯。不過本刊獲悉 G.E.M.香閨是韻濤居唯一複式特色單位, 11年曾經被報章地產版位詳細介紹,雖然未有靚裝修,不過全海景同巨廳巨房,已經見到獨居 G.E.M.之霸氣同財力。

週一 G.E.M.在電話承認做業主:「租樓真係好貴,咁我彈琴做歌又怕嘈親人,的確需要大啲嘅空間,唔想影響鄰居,就買咗樓,可以令自己多啲動力努力工作。」講到《我是歌手 2》令她爆紅,她就話:「其實今次個比賽係湖南衞視主動搵我,原來《我是歌手》總導演特登嚟香港睇我唱 live,但係聯絡我參賽就係幾個星期之前嘅事。」

內地身價急升, G.E.M.直認工作量增加,加上工作已排至 2015年,「打嚟搵我做嘢真係多咗,但係有冇加價就唔知,因為要專心比賽,全部都推咗,根本未傾到價錢,我真係唔係富婆嚟㗎!」𠵱家唔係好快係㗎喇!

走勻全國

網上圖片

近日至爆紅,其實一出道經理人張丹已經積極部署 G.E.M.在內地發展,全年遊走全國大小省市,為上內地選秀節目鋪路。

G.E.M.09年與台灣歌手林宥嘉相戀,男友在台北東區亦有千萬港元物業,如今 G.E.M.榮升業主,好襯!有指大會將安排情侶鬥唱, G.E.M.就話唔介意:「佢千祈唔好讓我。」

出口術

內地綜藝、選秀節目大行其道,除咗贊助商捨得畀、請得鬱各路巨星、製作又認真外,宣傳手法亦鋪天蓋地憑出招。《我是歌手》採取淘汰再替補機制,每兩集有人被 out亦即是有人入選,除咗第三集落實的內地歌手張傑,官方微博最興 tag中港台歌手、引起網友懷疑討論增加話題,香港歌手林憶蓮、衞蘭、新加坡歌手孫燕姿、仲有 G.E.M.男友林宥嘉都有份被抽水。

出賽潮

贊助商億億聲科水、全國觀眾人數又係輕易過億、想增加強國知名度和人仔財路,中港台藝人都知要借綜藝、選秀節目上位。其實除咗 G.E.M.,香港仲有兩位樂壇代表出賽,表現仲唔弱添!

網上圖片

謝安琪深圳衞視《中國音超》

賽制由全國八大唱片公司分隊制鬥唱,謝安琪身為金牌大風隊長帶領內地歌手,雖然個人表現出色,可惜隊友唔爭氣、深圳衞視收視亦遠遠不敵湖南衞視,累 Kay人氣輸 G.E.M.幾條街。

網上圖片

古巨基中央電視台《夢想星搭檔》

賽制由歌手自組拍檔制,共 7個組合 14位歌手鬥唱。古巨基上週於最後總決賽中,和李泉演唱汪峰名曲〈春天裡〉,撼贏所有對手成為年度總冠軍。



鍾意就快D Share啦!


Related Posts Plugin for WordPress, Blogger...