2014年1月22日 星期三

[FACE 348] '14開大 甩仔行運豪買波子 吳雨霏:終於唔使蝕! 吳雨霏,BKD_S,MF,




一向想擁有屬於自己座駕的 Kary, 13年大豐收,做埋「包租婆」收租,儲齊彈藥挑選 dream car。

真面目

'14開大 甩仔行運豪買波子 吳雨霏:終於唔使蝕!

脫離「樂雨戀」近半年,回復單身嘅吳雨霏 Kary,雖然愛情失意,不過事業就愈撈愈掂,演唱會、登台、廣告密做,終於脫離以往 Cookies餅女年代貼錢打工嘅日子。

女人天生購物狂, Kary就鍾情買磚頭投資, 10年豪擲 855萬買下跑馬地千葉居物業放租,做「包租婆」;而一向對跑車有情意結嘅 Kary,一直想擁有一架屬於自己的超跑,如今儲夠彈藥,早前 Kary拉埋唱片公司同事幫眼,去到灣仔保時捷陳列室挑選心目中「 dream car」。

難怪 Kary笑容滿面話:「終於唔使蝕,以前邊有得賺,嚟緊呢兩個月會撲鎚買車!」

其他影片

11年, Kary宣布加盟環球唱片旗下的新藝寶唱片,事業發展開始有起色,年初紅館開個唱,擔任金莎廣告代言,加上頻頻出席不同的商場活動,收入遞增,而且副業做「包租婆」收租,相比以前九餅、四餅時期,真係差天共地。

Kary對波子情有獨鍾,話曬自己第一部車, Kary梗係試清楚,檢查好車廂內每個部分。

去年 11月, Kary出碟首次擔任創作總監及監製,唱片公司落重本宣傳,梗係啦!一姐就快滿約喇。

約滿高價留

早前本刊拍得 Kary同唱片公司同事,到灣仔保時捷陳列室挑選心水座駕,準備做車主的 Kary,睇車時手舞足蹈,非常雀躍。當日 Kary睇了兩架不同款式的波子,一黑一白,仲分別試車,又追問經紀有關車尾箱的問題,認真著緊。睇完一輪車款後, Kary從經紀手上接過一份介紹書就離開。

據知, Kary下年就滿約新藝寶,公司為留住 Kary,特登開出銀彈政策,以高價挽留她, Kary買靚車當然冇手軟。

11年, Kary連同經理人合約一併簽給新藝寶,當然得到公司重用,仲即時開紅館個唱。

轉會後, Kary歌唱事業升呢,今年首次在《第三十六屆十大中文金曲》奪得「優秀流行歌手大獎」。

Kary憑〈生我的命〉奪得叱吒十大(第八位),今年頒獎禮成績不俗,唱片公司決定以銀彈政策留人。

「做餅女邊有得賺!」

去年 Kary事業大豐收,仲飛埋去意大利為代言的品牌拍廣告,有錢賺、又有得玩,就算甩拖都過得好開心!網上圖片

本刊上週五( 17日)致電 Kary,問到買車一事,她興奮地說:「係呀!我 18歲就已經考咗車牌,但一直都冇買車,出入都係借細佬部私家車代步。我真係好鍾意波子,好啱女仔揸,又有型,有時夜晚都會揸架車出去兜風。(睇中邊款波子?)𠵱家心水有兩款,一款喺自己負擔範圍內,大約 70至 80萬、另一款就再貴啲,至少要 100萬以上。自己預咗 100萬 budget,仲考慮緊邊架好,不過嚟緊呢兩個月會撲鎚,之後仲會 bid個心水車牌,咩車牌就梗係唔講得住。」

問 Kary是否將會跟新藝寶續約,她說︰「公司真係好好,入咗新藝寶之後,真係搵多咗錢,終於唔使蝕,以前做餅女邊有得賺!續約問題未開始傾,但今年已經有好多計劃。」冇仔都唔使愁啦!

包租婆

入行 10年, Kary終於唔使做蝕本貨,買車買樓,又識得投資物業。 Kary在 10年買下屋企隔籬的單位,做「包租婆」等收租。她說︰「我𠵱家同屋企人住,前兩年的確買咗屋企附近一個單位放租用,不過個單位仲供緊㗎。」

家境不錯的 Kary和家人關係十分要好,現在仍和家人一起居住在跑馬地千葉居。吳父 04年以公司名義用 880萬買入,現物業已升值到 1,712萬。網上圖片

Kary鍾意買磚頭保值, 10年豪擲 855萬買下現居跑馬地千葉居隔籬的單位,副業做「包租婆」等收租。《忽然 1周》圖片

買磚頭保值兼安全,所以 Kary於 10年以吳父公司名義,以 855萬買入屋企隔籬單位,現物業已升值到 1051萬。



鍾意就快D Share啦!
Related Posts Plugin for WordPress, Blogger...