掃呢頁CODE去手機

2014年2月21日 星期五

[忽然1周 969] 韓星大咬嚇窒林建岳 MW,




唔想蝕

嶽少一心打開韓國市場,但韓星大咬又多多要求,唔少主辦商大呻無肉食仲要蝕本,嶽少當堂勒住,話要睇定啲先。

媽咪姐

韓星大咬嚇窒林建嶽

近年韓星喺香港 hit爆,觀眾鍾意煲韓劇睇韓星演唱會。 Big Bang、少時,同 Sistar等喺香港開騷,頭幾年係威係勢,所以做咗旅遊發展局主席嘅林建嶽,覺得佢旗下嘅東亞娛樂都應該搞嚇韓日 show,舊年少女時代同濱崎步雖然係蝕住搞,都去馬做,點都要威水嚇。

韓星搶錢

上周六 Big Bang嘅 G-Dragon同其餘兩位成員到香港會展搞 Fans Club Party,個半鐘演出,最貴收千幾蚊張飛,簡直搶錢!

點知韓星個個問題多多,歌酬貴、食住要頂級,經理人要求五時花六時變,製作單位勁惡啃,啲飛嚇嚇千幾蚊張!啱啱上周六( 15日) G-Dragon等喺會展搞個半鐘 fans聚會,全場九千個位只有最貴嘅$1,580同最平嘅$480爆,中價飛勁多吉位,入座率只有六成幾,歸本都未夠!嚟緊開騷嘅少時同 Sistar啲飛都係企曬喺度,蝕到主辦商攤攤腰。媽咪姐收到風,呢個情形當堂嚇窒原本今年想再搞韓國騷嘅林生,分分鐘要打退堂鼓。

中價飛滯銷

根據快達網顯示,截至上周五, G-Dragon嘅 Fans Club Party只得最貴同最平飛爆咗,側面同後排$1,280及$780門票,仲有大量門票出售。



鍾意就快D Share啦!