掃呢頁CODE去手機

2014年2月13日 星期四

[壹週刊 1249] 欽點富少女 黃宗澤阿媽藐爆楊崢 楊崢,黃宗澤,M1,




探熱針

欽點富少女 黃宗澤阿媽藐爆楊崢

上星期,三十三歲的黃宗澤( Bosco)突然爆出與四十二歲過氣名模楊崢姊弟戀三個月,二人先後被目睹在西貢拖手、一塊曲奇兩份食,又被途人拍下在深灣遊艇會拖手談心親嘴照片,劇情原來還未夠精彩!

據知, Bosco去年曾向一北京富商千金 Tina展開追求,甚至見過家長,澤媽對 Tina亦讚不絕口,落曬力撮合二人好事;可惜神女無心,今年一月被拒愛的 Bosco,忽然爆出搭上楊崢,過程戲劇化,連澤媽都藐爆。

有錢有樣

不少黃宗澤身邊朋友,都知他的女友是一名北京富千金,但上星期突然爆出 Bosco與楊崢發展姊弟戀,戀情峰迴路轉,令大家都𢱑曬頭。

「上年十月左右, Bosco同玩開嗰班朋友講自己追咗個北京有錢女,又話個女仔有錢個樣又靚,仲話等發展穩定就公開戀情,講到好認真。個幾月前, Bosco終於帶咗 Tina出嚟介紹俾圍內朋友識,就算喺班朋友面前,佢對個女仔都好到痺獻曬殷勤咁,點知新年過咗就冇聲冇氣,無端端仲要爆個楊崢出嚟,雖然成班朋友知道佢嘅女神係楊崢同陳嘉容,但一樣 O曬嘴,冇諗過佢哋會撻得著。」知情者說。

北京富少女 Tina

一月才被 Tina拒愛的 Bosco,二月初便爆出與楊崢發展姊弟戀,兩人在深灣遊艇會拍拖時,被途人拍下情深一吻的照片並上載討論區,火速成為熱話。

見過黃阿媽

本刊早前也曾目擊澤媽與 Bosco女友 Tina一齊返回火炭的寓所,二人沿途有講有笑,十分融洽。

「 Tina屋企係做石油生意, Bosco舊年年中開始追佢,都有帶過佢去九龍城自己開嗰間蠔吧食嘢,仲介紹埋媽咪俾 Tina識,澤媽勁鍾意個女仔,話佢有禮貌係好女仔,仲出曬力幫 Bosco追 Tina,除咗主動約 Tina出嚟見,又幫 Bosco講曬好話,可惜 Tina唔鍾意 Bosco呢類口花花吊兒郎當男仔,今年一月仲同 Bosco講清楚,大家冇可能再進一步,做朋友就冇所謂。」

澤媽見 Tina

早前, Tina從北京來港, Bosco媽咪主動約她見面,坐住架名貴房車 Bentley的 Tina載埋黃媽媽齊齊返 Bosco位於火炭的寓所,全程有講有笑,相處融洽。

提起楊崢,澤媽即耍手擰頭頭冇回應。

一向以孝順見稱的 Bosco,在黃媽媽六十歲時為她搞大壽慶祝,氹得媽咪開心不已。

一反常態

當「崢澤戀」爆出時,楊崢夠膽揸住 Bosco架仿古董車出席公開活動,出奇地高調。

生吞檸檬的 Bosco火速搭上比自己老九年的熟模楊崢,還一反過往低調作風,十分異常。

「佢同楊崢識咗好耐,久不久都有出嚟玩嚇飲嘢,一直都冇聽 Bosco講過話一齊,而家仲話拍咗三個月拖?但之前明明係追緊個北京有錢女,無可能會同楊崢拍咗三個月拖! Bosco好孝順,佢拍拖一定會帶俾阿媽見!仲有,佢無理由會咁唔小心,仲要一問就認拍拖,完全同以前嘅做法唔一樣,唔知搞乜。」黃宗澤身邊友

人說。

冇曬面

「崢澤戀」爆出後,不少人均議論紛紛,據知,澤媽對 Bosco與楊崢搞埋有

微言。

「 Bosco媽咪好唔開心!以前胡杏兒雖然係霸道啲,不過對佢老人家好好,亦真係對佢個仔好,幫到 Bosco。至於 Tina又靚又有錢,澤媽勁鍾意,好鼓勵個仔追佢,可惜撻唔著。楊崢大 Bosco九年,又多負面新聞,連啲親戚都打去問佢點解 Bosco會揀個年紀咁大嘅,搞到澤媽都唔知點反應好。仲有, Bosco冇同澤媽提過,佢都係睇報紙先知個仔拍緊拖,所以有啲嬲。」知情者說。

有鋪有樓

胡杏兒與 Bosco相戀七年,二○一一年女方奪視後時公開愛的宣言,翌年卻分手收場。

姊弟戀夠奇幻外! Bosco的身家幾級跳,亦令不少人稱奇。

「 Bosco同我哋講話一個月買衫錢都十幾廿萬,又話自己有三間鋪同兩層樓,要趁呢期個市麻麻入多間鋪,之前佢都睇過古巨基擺花街個鋪位,不過要成六千幾萬,即刻嚇窒。

「好老實, Bosco喺 TVB拍劇賺幾多吖?好似之前話掟咗八百萬喺馬來西亞搞酒吧 House Music Club,實情係佢埋到啲拿督堆,人哋預埋佢玩,所以邊使夾八百萬咁多,吹啫!不過咁, Bosco仲有個鋪喺沙田,尖沙咀又有間酒吧,九龍城間蠔吧開咗冇耐就話想整間喺香港區,佢係好有生意頭腦嘅。」 Bosco身邊友人說。

埋富人堆

一心進軍飲食王國的 Bosco,為方便在商界打開門路,積極廣結有錢人。

「以前好多都係胡杏兒幫佢搞,兩個散咗之後, Bosco就開始同啲有錢人玩,好似大年初二,曦哥(晨曦球隊班主周文曦)喺山頂屋企個 club house搞新春團拜,請咗百幾人,打嚇麻雀玩嚇啤牌賭嚇錢, Bosco都有去,自己一個嚟,在場啲女仔見到佢,好似蜜蜂見蜜糖咁, Bosco都玩得好開心,以為佢仲係單身添。」

星期一(二月十日)晚,本刊在九龍城南角道 Bosco開設的蠔吧見到澤媽,提到有關 Tina及楊崢,澤媽煞有介事,一支箭坐上車,又搞笑地否認自己是 Bosco媽咪,之後又表示:「我乜都唔會講。」一時一樣!

近年來, Bosco被發現愛埋有錢人堆,認識了不少上流社會人士,今年的年初二, Bosco單拖出席周文曦在山頂屋企會所搞的新春團拜,現場被不少女士圍住,同場還有 Hotcha的 Winkie及梁烈唯夫婦等人。

舊愛 Bosco高調承認與楊崢相戀之後,胡杏兒約埋好姊妹胡定欣、姚子羚、黃智雯及胡蓓蔚在家中相聚。

雖然 Bosco表示與楊崢相戀三個月,但近月來,本刊卻只拍得 Bosco放假時多數一支公逛街的照片。

大小通吃

有指黃宗澤跟拍拖七年的胡杏兒 12年因小三湖南乳牛柳岩介入分手,甩拖後,攞正「飲食」牌,緋聞女友由 70後到 90後都有,大小通吃。

柳岩

跟內地性感女主播柳岩合作內地劇《麵包樹上的女人》撻著,事後柳岩聲淚俱下澄清未有做小三,黃宗澤亦例牌否認。

徐子珊

合作電視劇《潛行狙擊》,徐子珊扮跟黃宗澤嘴出火,有指二人在胡杏兒宣布分手後,又再翻撻,在上海出席活動 party拖曬手,不過徐子珊堅稱二人是好

兄弟。

林穎彤

只有 20歲的林穎彤,被指跟黃宗澤合作電視劇暗交,她更自稱「波波B」,即 Bosco女友,向胡杏兒示威。

戚薇

拍內地劇《少年神探狄仁傑》,黃宗澤被指跟對手內地女星戚薇,在橫店片場眉來眼去,二人更被踢爆在酒店房密會。

岑麗香

拍電視劇《貓屎媽媽》,異性緣極旺的黃宗澤跟有「宅男女神」之稱的岑麗香傳緋聞,二人更以情侶檔出活動搵銀。

見過一面

第二日(十一日)下午一時多,澤媽到灣仔與舊同事茶聚,離開時,本刊問她有沒有見過楊崢,對她印象如何?澤媽嬲爆爆,沒有正面回應問題,只重複說:「唔好影我,唔好影到我啲同事,工都冇得做!」

同日,記者在商台的團拜活動問楊崢有關北京

富少女 Tina的事,她說:「問番佢( Bosco)啦,佢啲嘢留俾佢自己答。(有冇見過 Bosco媽咪?)見過一次,佢好 nice。」

早前, Bosco與鄧麗欣合作拍攝電影《男人唔可以窮》,已經第二次與 Stephy合作的 Bosco,未有跟她擦出愛火花。



在九龍城的蠔吧,大部分時間都由黃媽媽打點, Bosco有朋友到場才會回去坐鎮。

未來希望在飲食界闖出名堂的 Bosco,一直在港島區尋覓適合的地鋪,他曾經睇過古巨基位於擺花街的鋪位,最後因開價六千多萬而嚇到卻步。

狐模

黃宗澤密食,他的另一半,上世紀 90年代名模,有模界狐狸精之稱的楊崢,感情生活亦十分精彩,跟 Bosco同樣食得。

練海棠

95年與練海棠(伍詠薇的老公)相戀,分手後二人仍藕斷絲連,有指練海棠與伍姑娘拍拖時,楊崢仍繼續用前度的信用卡消費。

黃佩霞男友

00年,模界行家黃佩霞懷孕,楊崢趁機撬走對方外籍男友,引致二人分手,黃佩霞要獨自撫養女兒。

恭碩良

01年,楊崢與名牌髮型屋老闆 Pius拍拖,男方承認戀情後,楊崢被拍到跟恭碩良出現酒店。

法籍男友

03年,楊崢承認跟法籍跨國公司 CEO拍拖,更大讚男友有才華。

楊如芯

05年,楊崢與趙式芝另一半楊如芯過從甚密,傳出斷背情,其後有指楊崢因要讓對方贈送名牌手袋,最後不歡而散。

李丞責

10年,楊崢與李丞責合作玄學節目傳緋聞,有指楊崢在合作期間日日以「玄玄師傅」冧掂人夫李丞責。



鍾意就快D Share啦!