掃呢頁CODE去手機

2014年2月13日 星期四

[壹週刊 1249] 夫家咬全餐 謝安琪食飯埋單送 Benz 張繼聰:正常人都揀我老婆! 謝安琪,張繼聰,M1,




知名度比謝安琪低一大截的張繼聰卻戴黑超 cool爆行街,不及老婆親民。

娛頭

夫家咬全餐 謝安琪食飯埋單送 Benz 張繼聰:正常人都揀我老婆!

跟陳奕迅傳過緋聞的謝安琪,近日成為網民熱選 B餐,遠遠拋離 5億 A餐徐濠縈。只可惜,「 B餐琪」一早已經被張繼聰獨食。結婚七年,全靠阿 Kay賺錢照起張家,每月以六萬元租住比華利山四千呎獨立屋,仲要養埋老爺、奶奶同叔仔;反而 Kay媽要住大埔四百呎居屋,豪宅止步。

新抱唔易做, B餐琪仲要照顧埋愛車老公張繼聰,除送上四十二萬 Benz A250,日前兩公婆拍拖出街,由幫阿仔買衫,以至到 cafe開餐埋單找數,全由老婆代勞。難怪提到網民爭住揀謝安琪,張繼聰好得戚:「正常人都揀我老婆!」

男尊女卑

快將踏入三十七歲,謝安琪卻以高齡姿態榮登高登女神,早前更被專欄作家捧為男人熱選 B餐,遠遠拋離 5億 A餐徐濠縈,成為網民心中熱選好老婆,令阿 Kay人氣熱爆。

跟老公張繼聰剛度過七年之癢,事業成績一直女上男下,雖然賺錢能力跑贏老公,但謝安琪卻心甘命抵做小女人,屋企話事權由張繼聰揸弗。

「當年兩公婆同期出道,不過阿 Kay紅得好快,賺錢理所當然多過老公好多,外邊嘅人會覺得佢哋女尊男卑,實情返到屋企,乜都係阿聰話曬事,之前阿 Kay同 Eason傳緋聞,阿聰嬲到走去紋身宣示主權。其實佢份人好大男人,老婆喺出邊點叻都好,但喺屋企,佢先係一家之主。」阿 Kay友人說。

近期情緒大上大落的 Eason,年初二一家由英國返港,阿臣又突然躁爆黑面!

望住老公開餐,謝安琪已經甜到漏。

晚飯吃了約四十五分鐘,步出 cafe時阿 Kay將信用咭放回銀包內。

阿 Kay揀完衫,去櫃位埋單,反觀張繼聰繑埋對手,不停望記者鏡頭。

B餐以外

張繼聰自無綫劇《老表,你好嘢!》後成功入屋,即使在無綫頻頻曝光,但工作量與收入不相稱,與老婆謝安琪的吸金能力,差一截。

愈搬愈大

去年,張繼聰得王祖藍帶挈,憑電視劇《老表,你好嘢!》成功入屋,近日再有新劇《食為奴》出街,但跟無綫簽歌星合約的他,騷錢僅得幾百元,即使一劇接一劇,孭起成頭家重責,只能靠老婆謝安琪。

「○九年首《囍帖街》唱到街知巷聞,帶挈阿 Kay一家由大埔村屋搬去比華利山,嗰度淨係管理費都要成萬蚊,屋租又唔平,但阿 Kay認為最緊要一家人住得舒服,俾到個仔有好嘅生活環境,由佢養家唔係問題,始終阿 Kay深信個老公有機會發圍,只係時機未到!」知情者說。

一年多前,謝安琪更由比華利山二千多呎獨立屋,搬到同屋苑的四千呎大單位,每月租金亦由四萬跳升至六萬元。「好多女人唔鍾意同老爺奶奶住,但阿聰要照顧父母,阿 Kay為咗遷就老公,就算自己搵到錢,都無諗過搬出去住,換咗大單位之後,阿聰細佬都嚟埋住,反而 Kay媽只係住四百呎居屋。」知情者續說。

張繼聰愛車,謝安琪趁老公一月生日前,送上紅色 Benz做三十四歲生日禮物。

阿媽唔舒服,身為家中獨女的阿 Kay,親自陪睇醫生。

養家辛苦,謝安琪連買家居用品,專睇減價貨。

張繼聰父母,一直與新抱同住大埔比華利山獨立屋。

B餐全包

老公賺得少,張繼聰每個月收入有限數,好在家有賢妻謝安琪,幫輕唔少家庭開支重擔。

夫妻同金

曾經因為經理人得罪傳媒,令阿 Kay事業停滯不前,但憑住愈變愈標致的五官,以及再度發育的 D級身材,令謝安琪去年榮登高登女神榜首,加埋 B餐效應,人氣更勝五年前的大熱歌曲《囍帖街》。

要撐起頭家,謝安琪都要慳住使,平日愛到旺角及大埔購物。反而收入差一截的張繼聰,卻愛車如命,去年購入二十萬 Land Rover後,近期又睇中車價要四十二萬的 Benz A250,阿 Kay更揀正老公一月十一日生日前出車,氹老公開心。

A餐徐濠縈買二億三千萬獨立屋,以個人名義持有無加 Eason個名,反而 B餐謝安琪賺錢養家,新車用自己與老公張繼聰聯名的公司持有,有指阿 Kay準備開經理人公司,打算同老公一齊做老闆。 A餐同 B餐,確有分別。

二月四日,謝安琪一臉病容到大埔市中心睇醫生,全身打扮加埋個布袋都十分平民。

謝安琪所睇的醫生,專治情緒病及婦科病。

爭住代答

對老公及夫家照顧周到,日前謝安琪更做埋柴可夫司機,駕著送給老公的新 Benz,載張繼聰到金鐘開會,之後一個人到了旺角新世紀廣場行街,主攻家品。見到記者,阿 Kay表現友善:「諗住買啲得意嘅家居擺設布置嚇屋企,等個仔見到開心啲。」

買完擺設,阿 Kay轉到九龍灣 MegaBox,到專門店買衫俾囝囝,張繼聰較啱時間到會合老婆。當日所見,張繼聰全程雙手插袋,由揀衫到俾錢,阿 Kay全部一手包辦。買完衫,兩公婆到商場的 Bar& Cafe撐枱腳,食了近一小時,同樣由阿 Kay埋單。記者上前問阿 Kay對自己成為熱捧 B餐睇法,身旁的張繼聰陰陰笑搶答:「我都有睇嗰篇文章,正常人都會揀我老婆,咁我都好自豪!」記者再問阿 Kay感想,他繼續插嘴:「人哋女仔點識答你!」能夠獨食 B餐,張繼聰如虎添翼。

一二年到拉斯維加斯做舞台劇,阿 Kay穀曬胸與導演 Vincent Paterson合照。

照顧張家上下之餘,謝安琪湊仔張瞻亦不假手於人。

B餐加碼

謝安琪憑《囍帖街》一曲,由三線歌手跳升至樂壇天後;身材亦同時升 cup,由出道時的 32A進化至 34D。

05年

出道時,屬 32A飛機跑道身材。

07年

懷孕期間,佗 B穀奶,上圍升 cup。

09年

在個人處女騷《好多謝安琪吶喊演唱會》上,穿上低胸裝,露出閃 bra大跳熱舞,穀到盡卻未見波濤。

13年

在澳門出席《第 56屆亞太影展頒獎典禮》上圍突然升級,衣著愈來愈性感的謝安琪,進升吸睛行列。

14年

剛過去的《新城頒獎禮》,盡騷事業線,身材三級跳的她, 34D上圍非常養眼。



鍾意就快D Share啦!