[壹週刊 1249] 周秀娜通殺 周秀娜,M1,

同你吟一吟

周秀娜通殺

上星期四（六日），娜姐周秀娜同經理人孖咇去 ifc行街，路過之處，幾乎站站停俾途人叫影相， shopping變迷你影相會。娜姐受歡迎，八珍以為限於雄性，但當日所見，其實不分男女大細同國籍，甚至女比男多，最緊要係後生，因為佢哋先係令娜姐有「錢」途嘅「老細」。

由龍友至愛進階為宅男女神，先決優勢係胸有肉腰夠幼腿又長，一副攞命格。 08年正式入娛圈，可以短短幾年唔使再靠人形攬枕滴牙膏企得住，全靠肯肉搏之餘亦識食腦。

有條件有觀眾緣，要再爆，八珍愚見，一定要令人驚喜，好似《金雞 sss》王菀之，徹底將自己過去反轉摧毀！娜姐咁有計，諗諗啦！

就算封到上頸，娜姐 fans一樣唔放過，後生女、外國人，唔同類型都有，難怪韓國 RM主持金鍾國一見傾心啦！

即使有經理人同行，排隊買乳酪雪糕，娜姐自己嚟唔旨意人。

鍾意就快D Share啦！

下一篇 》