熱爆娛樂: [壹週刊 1249] 開金口　李澤楷出手　講波佬一萬一場李澤楷,BKD

2014年2月13日星期四

[壹週刊 1249] 開金口　李澤楷出手　講波佬一萬一場李澤楷,BKD_S,M1,

Keyman

$10,000一場

探熱針

開金口　李澤楷出手　講波佬一萬一場

以近四億奪今年世界盃播映權的無綫，有過四年前由吹水叻帶住一班雜牌軍，講波講到錯漏百出，失禮街坊的教訓後，今次決定重整軍容，除了有人稱「桂神」的黃興桂做膽，亦向 NOW挖了不少足球評述員過檔，但輩分屬元老級的例如蔡育瑜、馬啟仁（ Keyman）等就不為所動，事關有李澤楷開水喉的 NOW不斷加碼留強手，最新價位是一萬蚊一場波，講波佬口水價，高過小生花旦騷價。

最高身價

有線、 NOW將於今年七月正式投入免費電視服務行列，面對競爭對手，無綫掟錢奪得於六月開鑼的世界盃獨家播映權，邀得有金句王評述員的黃興桂助陣外，並向 NOW積極挖人。

「佢哋係想有大佬瑜（蔡育瑜）呢類級數嘅人返去幫拖，但人哋而家喺 NOW好高薪，講一場波已經有成萬蚊，一星期固定講兩晚英超，仲有西甲，一個月都袋成十三、四萬，無綫根本俾唔到咁多錢，冇名氣嘅隨時得千鬆蚊一場，之前都有啲人過檔無綫，諗住就算賺少啲，搏多人睇出到名可以外面接 job賺外快，點知都係得個桔，好多做一排都走咗。」知情者說。

被指身價最高，一萬講一場波的講波佬蔡育瑜則回應說：「我無理由話你知幾錢！總之係睇公司更表返工，公司安排，乜都做！」

蔡育瑜

$10,000一場

潘源良

$4,000一場

李麗珍男友、作詞人出身的潘源良，執導拍電影外，在有線講波，約$4,000一場。

何輝

$10,000一場

遊走珠江三角洲講波的何輝十分搶手，也有人出價一萬邀他講大賽，故他間中才返港做客席主持。

黃興桂

$4,000一場

無綫出名孤寒，黃興桂雖然有名有資歷，但都係$4,000蚊講一場。

專人搵料

至於跟蔡育瑜同級，早在十多年前一場波已經要收三千蚊，專業到會自聘人手做資料搜集的 Keyman馬啟仁，一一年在 NOW主持《撳錢》後，由於公司希望他在主持方面作長期發展，故未有機會再做即場評述。

「我依家做啲開波前嘅遊戲節目，除咗玩遊戲仲會講嚇足球資訊，（做騷好搵過講波？）呢個唔好講啦，費事同行之間比較。」 Keyman說。

NOW有蔡育瑜和 Keyman把關外，偶然以嘉賓身份客串英超的何輝、專攻意甲的方柏翹以及第一批全職足球評述員丁偉傑，個個身價亦有番咁上下，五千蚊一場走唔甩，就算由新城去 NOW的黎亦倫，亦有三千蚊一場，無綫要搶人，唔係話咁易！