掃呢頁CODE去手機

2014年2月13日 星期四

[壹週刊 1249] 劉嘉玲巡場派利是 劉嘉玲,嘉玲,M1,




同你吟一吟

劉嘉玲巡場派利是

玩得劈得蒲得嘅劉嘉玲, 08年同梁朝偉畫龜正式做梁太後,生活作息亦大幅調整,變得較有節制。

試圖造人唔成功,近年劉嘉玲將心機轉移到做生意,除非老公放假喺香港,否則,梁太大部分時間留守大陸,睇住啲搵錢檔攤,最重要係陪已經搬返上海生活嘅媽咪做孝順女。

過完年,梁朝偉飛德國做柏林影展評審,慢一步起程嘅梁太,上星期五(二月七日)同助手出動巡邏 Landmark,開年搵嘢買之餘,行動目的:當然係落名店做財神派利是。

內地做乜都講人脈關係,二五話近年主力喺祖國食大茶飯嘅劉嘉玲,將以前蒲劈玩精神變成生意應酬,路路暢通。即係咁,其實做乜都應該投入,劉嘉玲可以由蒲精變咗個八面玲瓏嘅生意人,原因係無論任何角色身份,佢都認真對待,抵佢發。

新正頭傳統唔買鞋!劉嘉玲入到 Roger Vivier,只係買銀包,十分鐘搞掂走得。



梁朝偉應邀做今屆柏林影展評審,梁太等老公忙完,稍後就會起程飛去德國會合。

轉場過 Valentino,早有心水選嘅劉嘉玲攞住手機俾店員睇辦,之後又「柄」埋一邊派利是,好鬼識做。

見自己俾《壹》仔「隊」住,劉嘉玲於是走咗入 LV一陣,跟住運路走!



鍾意就快D Share啦!