掃呢頁CODE去手機

2014年2月13日 星期四

[壹週刊 1249] 陳豪新春拋妻棄子 陳豪,M1,




同你吟一吟

陳豪新春拋妻棄子

剛為人父嘅陳豪,今個新年有唔少朋友專登上門拜年,乘機見嚇陳豪口中好靚仔好靚仔嘅「 Mo仔」 Aiden Joshua。

上星期二(二月四日),陳豪冇留喺屋企陪老婆囝囝,一個人揸車去咗老遠嘅大坑,原來約咗老友戚其義同一名女子飲咖啡吹水。

話就話三人會議,但大部分時間,都係戚其義個人 solo。已經落實會幫王維基嘅 HKTV拍劇,斷估戚其義唔會對住啱啱同無綫續番約嘅陳豪玩「劇透」,但今時今日仲肯留低做親生仔,陳豪自有分寸,佢要同自由身嘅戚監製再合作,絕非冇可能。

《壹》仔望一望錶,三點未夠就坐低,等嚇等嚇一個又一個鐘,陳豪咖啡飲完一杯又一杯,但餐廳因為要開始做晚市,金牌監製加視帝一樣冇面俾,七點鐘,被迫起身埋單。

問陳豪同戚其義有何合作大計?佢大賣關子:「唔話俾你聽!」轉話題問佢太太同囝囝,陳豪繼續扮神秘:「我今日除咗會講恭喜發財之外,其他嘢係唔會答。」

之後攞車走人,仲話要轉場再傾過。陳豪肯丟低茵媺同 Mo仔咁耐,呢個 project,一定唔少嘢!

歎茶歎咗接近五個鐘,餐廳因為要準備做晚市,陳豪同戚其義被逼遷,一行三人企埋一邊商量去邊度繼續。

戚其義講到指手畫腳好肉緊,大多數時間只係對面位女子有搭口,陳豪齋做聆聽者,好少加把嘴。

傾到太陽落山,陳豪咖啡一杯接一杯,醒呀!

今個新年,唔少 TVB人去陳豪屋企拜年,當中包括李思雅,佢仲好唔生性,公開成班人去陳豪屋企圍住桃花跑,以及「 Mo仔」瞓覺相,後來段微博極速消失天與地。

Mo嫂陳茵媺已經全面復工,仲公開長腿相益 fans。



鍾意就快D Share啦!