掃呢頁CODE去手機

2014年8月28日 星期四

[壹週刊 1277] 澳門拖女斷正 洪天明家庭樂補鑊 洪天明,M1,




剛剛去到遊樂場,周家蔚心情麻麻,同老公保持距離。

探熱針

澳門拖女斷正 洪天明家庭樂補鑊



上星期六(八月二十三日)半夜,洪天明在澳門與一位性感露背女拖手拉扯,態度曖昧,有圖有真相,證據確鑿斷正,洪天明馬上返港補鑊,帶埋老婆同囝囝(洪大仁)去遊樂場玩,一家三口家庭樂,粉飾過失。

一齊過澳門出席首映禮,之後洪天明繼續留澳門,周家蔚就先行回港,點知洪天明就作反拖女。

(《蘋果日報》圖片)

老婆走先

向來花弗的洪天明,婚前身邊「閱」女無數,與周家蔚結婚生仔後,看似修心養性,但上星期五(八月二十二日),他與老婆在澳門出席完《轟天猛將 3》首映後,周家蔚走先自行返港,洪天明則留在澳門,睇第二日舉行的「終極格鬥錦標賽」( UFC),賽後搭半夜三點船返港,卻被人目擊在碼頭入閘區,與一個打扮性感,著露背裝女子手拖手談心,態度親暱。

返港後,洪天明收到風,知道自己背妻拖女斷正,第一時間做嘢,又擺埋囝囝洪大仁上枱,提議一家人到在數碼港舉行的充氣嘉年華玩,還叫埋陳浩民和文頌嫻兩家人做陪客,焗氣上心頭的周家蔚答應一齊去。

老婆發嬲,洪天明無癮抱仔坐埋一邊。

洪天明背脊紋了自己同老婆英文名縮寫「 TJ」以及囝囝中文名「大仁」。

中途影大合照時,周家蔚先肯同老公企番埋一齊。

面燶燶

週日(二十四日)下午三點,三家人抵達數碼港,洪天明負責抱仔,周家蔚則墮後,黐住文頌嫻一家。現場所見,周家蔚燶口燶面,明顯心情麻麻;玩遊戲時,一係洪天明陪仔玩,一係就周家蔚,兩公婆刻意分開。

見老婆未消氣,洪天明一度抱住囝囝坐埋一邊,悶悶不樂。到三家人一齊影大合照,兩公婆才勉強企埋一齊。

之後洪大仁扭要爸爸媽媽一齊陪玩,洪天明又不停氹,去到尾段,周家蔚終於心軟,睬番老公,一家三口一齊玩,一齊食雪糕。

洪天明、周家蔚成日分開玩,搞到阿仔喊晒,為了氹番阿仔,兩公婆唯有冰釋前嫌。

氹番掂老婆,洪天明終於一家三口一齊玩。

下了啖氣的周家蔚,星期二凌晨在微博留言,公開撐老公。

洪天明叫埋班朋友一齊玩幫手氹老婆,文頌嫻帶埋老公同女,而陳浩民就同大住肚嘅老婆及一對仔女出席。



鍾意就快D Share啦!