掃呢頁CODE去手機

2014年8月28日 星期四

[壹週刊 1277] 多咗個 一腳踏兩船 新歡速掟美棋 BB 美棋 BB,黃美棋,M1,




探熱針

多咗個 一腳踏兩船 新歡速掟美棋 BB

童星出身、現年廿五歲的宅男女神美棋 BB(黃美棋),同有線主持鍾健威( Ray)拍拖三個多月竟火速被飛。原來女神還有個未甩、在美國認識的正印男友。

要俾時間陪正印,美棋 BB不時玩失蹤。被女神當傻仔,鍾健威狠心斬纜!

玩失蹤

美棋 BB與鍾健威因為合作主持有線節目《快樂地球》,在美國日對夜對十六日,高速撻着,之後帶男友返歸過夜斷正,令宅男心碎。

「阿 Ray(鍾健威)同身邊班朋友講好鍾意美棋 BB,係見少陣都唔得嗰種,點知話口未完就分手。原來個女仔成日玩失蹤, call極唔覆,每次都話自己開緊工覆唔到,其實佢有幾多嘢做大家心照,阿 Ray覺得唔對路,後來打聽到美棋 BB原來有個拍拖已經四年嘅男友,係喺美國讀書識嘅。突然變咗第三者,阿 Ray好難接受,大家嘈過幾次交。」知情人說。

冧新歡又難捨舊愛,美棋 BB實行拖字訣。

「佢有同阿 Ray商量過,話俾啲時間佢去處理,但拖來拖去都冇解決。阿 Ray見佢一直拖,加上啲港女脾氣好難頂,所以提出分手。」

美棋 BB到土耳其拍外景時,鍾健威特別到當地探望,誰知轉眼就分手。

美棋 BB在微博暗示分手,而且頗有怨氣。

愛放料

事實上,鍾健威亦對美棋 BB將戀情擺上枱的做法有所不滿,就連他到捷克拍旅遊節目時,在當地買給她的手工梘及玻璃玫瑰花都公諸於世;又在「 2014520(諧音:愛你一世我愛你)」日子,在微博自爆收花,將感情當宣傳。

「美棋 BB成日叫阿 Ray俾驚喜佢,跟住就攞嚟放料俾傳媒。一次半次就話巧合,後尾阿 Ray都知乜事。見報多,就以為自己夠人氣,態度變到好巴閉,港視嗰邊啲同事都覺得佢未紅先驕。」知情者說。

被鍾健威斬纜,美棋 BB並不甘心,在微博怨言會找到識得欣賞她的人,扮晒慘!

鍾健威亦暗示分手,仲話就快有真愛出現。

美棋 BB曾在微博自爆,在「 2014520(國語諧音:愛你一世我愛你)」的特別日子收花,當日放完料就著同一套衫出席活動。

作為宅男女神,美棋 BB獲邀為男神張智霖拍 MV。

美棋 BB是童星出身,曾和星爺拍戲。

遲早完

無論是婚姻或拍拖關係,只要多出一個人,就會出事,即使做到二揀一,也未必盡如人意。

蕭正楠

去年尾,同何傲芝尚未分手的蕭正楠,和合作《師奶 Madam》的黃翠如搞上,事件曝光後,何傲芝才正式出局。

楊思琦

楊思琦與李泳豪相戀時,搭上吳帥,後來更懷有他的骨肉。可惜戀情易來易散,她發現吳帥是空心老官後,二人即分手。



鍾意就快D Share啦!