全城熱爆的娛樂八封新聞 & 時事趣聞 & 生活 + 趣聞
老婆揀女性用品，李霖恩冇走開，其間有路人走埋嚟話有睇佢拍嘅劇集，李霖恩開心笑晒。
作為官二代（父親係前保安局局長李少光），李霖恩甘於留守無綫做蛋散，亦唔介意一早做老襯， 28歲未夠，就做埋老豆，前年老婆 Candy爭氣，啤多個慈姑椗，湊成好字。
行事作風一啲都唔似 80後嘅李霖恩，早個禮拜陪老婆去咗又一城行街，之後掃埋超市先返歸。李太 Candy喺 M巾部睇嘢，李霖恩照樣寸步不離，唔似得其他男人，女伴買女性用品，第一時間九秒九彈開。 可以咁講，無論由外到內，李霖恩都話之你，真正隨心隨性。冇得頂！
三十三歲已經有仔有女，李霖恩陪老婆去超市，典型住家男。
