掃呢頁CODE去手機

2014年8月28日 星期四

[壹週刊 1277] Benz雄唔揸 Benz Benz雄,許紹雄,M1,




同你吟一吟

Benz雄唔揸 Benz

早個禮拜,《壹》仔去咗又一城巡圈,見到 Benz雄許紹雄一拖三 shopping;除咗老婆龍嬿而同個滿頭白髮嘅老人家外,十六歲讀緊 SIS(新加坡國際學校)嘅囡囡 Charmaine亦在場。

一王三后睇女裝, Benz雄做觀音兵,得個陪字,全程冇詐型。商場內幾乎間間鋪都做減價,但 Benz雄妻女睇極唔啱,幫忙慳荷包。

遲婚嘅 Benz雄,同發哥周潤發一樣,娶坡妹做老婆,幾十歲人先做老豆,為咗專心搵食,佢寧願同妻女分開,安排兩母女留喺新加坡生活,自己做空中飛人。

直到 Charmaine五歲大,兩母女先搬埋嚟香港生活。時至今日,六十五歲嘅綠葉王,山大斬埋有柴,揸 Benz自然綽綽有餘;不過,是日 Benz雄唔係揸 Benz係坐七人車,仲有司機添喎!

老中青三個女人行街 shopping,同行許紹雄全程笑笑口,「耐」功深厚。

安排好家人上車坐好,細心嘅許紹雄閂埋車門自己先上車。



鍾意就快D Share啦!