全城熱爆的娛樂八封新聞 & 時事趣聞 & 生活 + 趣聞
食完糉冇耐，轉頭又到中秋。上星期二（十九日），劉青雲郭藹明兩公婆，親身落去九龍城永富訂果籃，為中秋送禮做好準備。
郭藹明同生果店職員有講有笑，明顯係老主顧。
二五話青雲唔蒲唔應酬，圈中保持聯絡嘅朋友，五隻手指數得齊，明知老公唔會喺人情世故方面花功夫，郭藹明自動補位；過節送禮，除咗親人，同青雲經常合作又或者佢好尊重嘅人，都一定唔少得。 結婚十六年，郭藹明寧願養貓唔生細路，無他，要全方位照顧劉青雲，已經夠籌。
陪老婆搞完送禮 order，青雲去肉檔買埋豬肉，就打道回府。
