[壹週刊 1277] 望七宮雪花 嚴管血壓 宮雪花,M1,

今日 66歲

要挑戰石板街條攞命斜，打到口腫面腫嘅花姨，攰到叉晒腰抖大氣。

同你吟一吟

望七宮雪花　嚴管血壓

當年以四十七歲高齡，防腐外表參加亞洲小姐嘅花姨宮雪花，眨吓眼已經踏入六十六；要抗衡歲月，打番兩針唔少得，之但係身體最誠實，就算打得走面上皺紋，年紀大，機器好難唔變壞。

當年 47歲

47歲選亞姐，花姨當年樣貌身材無添加，唔到你唔服。

早個禮拜，《壹》仔見到花姨走咗去中環環球大廈一間藥房去買血壓計。肥胖容易引致血壓高，花姨自己知自己事，近年身材吹脹再吹脹，買番個血壓計看門口好正常。

另一日，花姨帶住外傭現身中環石板街。對住條攞命斜，周身肉花姨行唔夠兩步就叉腰抖大氣，幾經辛苦，終於撐到去間改衫鋪，原來係攞咗批舊衫去「加建」，仲逐件睇真啲改成點。身材同健康一樣，都係返唔到轉頭。

「僭建」舊衫，花姨逐件試上身，保證著得入。

呢廿年肥咗成兩個碼，花姨去藥房買血壓計看門口，店員細心解釋究竟點用。

Shopping冇分平貴，花姨望完鑽石首飾，再去幫襯 99蚊有交易嘅鞋店買咗對平底鞋。

鍾意就快D Share啦！

下一篇 》