掃呢頁CODE去手機

2014年8月28日 星期四

[壹週刊 1277] 替死鬼 高層私片 黃翠如當災遭封殺 翠如,黃翠如,M1,




探熱針

替死鬼 高層私片 黃翠如當災遭封殺

經常被彈戲屎、樣貌唔夠標青的黃翠如,從有線過檔大台後,一開步就擔正做女主角,順風順水,全靠有陳國強罩的余詠珊在背後發功;不過,自從今年初拍完《師奶 Madam》和客串《陪着你走》兩劇,翠如 BB忽然坐冷板,連原本有份的《張保仔》,都突然被飛。

同撈同煲,同樣是舊有線的洪永城,亦遭同一對待。上月拍完《天眼》後,再沒有被安排新劇。據了解,二人之所以被急凍,與戲劇組大家姐曾勵珍有關,有指珍姐落了指令,全面封殺有線人,背後動機是打殘余詠珊。

內部鬥爭

大台一向人事複雜,高層內部鬥爭,比小生花旦爭視帝視后更激烈,手段更狠。

過去一年多,戲劇組話事人曾勵珍(珍姐),與綜藝組頭目余詠珊,聯手對付藝員部樂易玲,以一敵二的樂大媽慘敗,被削權失勢,令深得殼王陳國強及總經理李寶安歡心的余詠珊,可以隻手遮天。

本來珍姐同余詠珊各有山頭,亦互相合作,但余詠珊見自己愈來愈得勢,於是想大頭,要插手戲劇組,不時提出要求用自己人(由有線過檔的)做主角。

「 Sandy(余詠珊)想點,當然瞞唔過珍姐對眼,對手愈伸愈過,擺明想企埋嚟侵佔山頭,珍姐唔係流㗎,佢喺公司咁多年,打過咁多場內戰都屹立不倒,就知有幾勁佢唔會俾機會 Sandy愈行愈過,仲即刻落晒命令,要所有監製唔用 Sandy喺有線撬過嚟嗰班人,就算之前定好咗嘅角色,都要換人。」一名工作人員說。

之前余詠珊同珍姐連成一線對付樂易玲,搞到樂大媽失勢。

余詠珊兩名頭號愛將,一過無綫就做主角,仲可以喺台慶頒獎禮上攞獎。

冇工開日子,黃翠如忙於同蕭正楠拍拖,日前一齊去睇演唱會。

臨時被飛

曾勵珍余詠珊權鬥,首當其衝,是黃翠如和洪永城。黃翠如由冇乜人識有線主播,一過無綫就做女主角,史無前例,但今年初孭飛拍完《師奶 Madam》和客串陳豪、胡杏兒擔正的《陪着你走》後,就突然被煞停,未有再安排拍劇,至於即將開拍的重頭劇《張保仔》,最初是定好由黃翠如做女主角配陳展鵬,但封殺令一出,監製即時換人,換上去年港姐冠軍陳凱琳。

同樣是余詠珊愛將的洪永城,命運亦一樣。上個月拍完《天眼》後,就再無新搞作。

據了解,一直到今年底,無綫所開拍的新劇集,包括《以和為貴》、《倩女失魂》及《東坡家事》等,演員名單都冇有線舊人出現。珍姐軍令如山!

愛將冇得拍劇,余詠珊當然唔會見死不救,頻頻安排翠如 BB上綜藝節目,之前同草蜢做《快樂聯盟》及世界盃節目,保持曝光。

港姐陳凱琳臨時受命,頂替黃翠如拍重頭劇《張保仔》。

余系

12年,余詠珊回巢 TVB做非戲劇製作部總監,即密密手向舊主有線挖角,愛將黃翠如、洪永城、譚凱琪逐個撬,並在其權力操控範圍(綜藝節目),車輪轉頻頻出鏡。

黃翠如

03年加入有線擔任娛樂新聞台主播,前後做了九年, 12年跟隨余詠珊轉投 TVB,擔任主持外,更被安排拍劇,並高速擔正女一,狂捧。

洪永城

曾做過有線和 now,被稱為旅遊達人的洪永城, 12年被余詠珊欽點過檔後,即被安排拍攝重頭旅遊節目《走過烽火大地》,之後又孖住陳展鵬拍《單戀雙城》,得寵指數甚高。

陸浩明

大學畢業後,加盟有線電視做了十年娛樂新聞主播, 12年約滿後由余詠珊穿針引線,加入 TVB,拍住肥媽做了兩輯《食平 D》。

李佳芯

08年在有線擔任體育節目主持,冇人識的李佳芯( Ali), 12年轉投無綫,主持節目《學是學非》外,亦有機會參與電視劇,包括《食為奴》、《愛我請留言》、《載得有情人》及《商戰》等。

譚凱琪

譚凱琪( Zoie)在有線效力六年,去年 10月正式轉投無綫,過檔頭炮便有份參演近排話題劇集《我們的天空》。

莫家淦

在有線七年,莫家淦去年被余詠珊撬走,去無綫做主持,夥拍李天縱拍攝旅遊節目《漫遊南美》。

衞志豪

有線娛樂新聞台開台主持,公開嫌有線發展局限想轉換環境,今年 4月,由余詠珊搭橋改投無綫,話咁易。



鍾意就快D Share啦!