掃呢頁CODE去手機

2014年8月28日 星期四

[壹週刊 1277] 綠葉王輪住約滿 梁健平焗退休 梁健平,M1,




左起:梁健平、鄭家生、郭卓樺、李楓幾位綠葉王,堪稱視圈高人,他們互相取笑改花名,愛噴口水花的梁健平是吹神,郭卓樺和鄭家生分別是東邪西毒,李楓則是獨臂神尼,單手打贏好多人,演技超凡。

探熱針

綠葉王輪住約滿 梁健平焗退休

在電視圈做足廿八年綠葉的梁健平,離無綫投港視,最近還有機會衝出香港,客串韓劇《命中注定我愛你》,擔正的短片《三輪車伕》又有份角逐多倫多影展最佳短片及出征康城,但好睇唔好食,還有半年便約滿港視的他,下一步如何打算,仍未有着落。

梁健平外,視壇前輩李楓、專演惡霸的鄭家生及御用爛仔郭卓樺,同樣將於今年十月至明年四月陸續約滿港視,本身是國際標準舞教師的郭卓樺一技傍身,長搵長有;但其餘幾個中佬則打定輸數。「可能要焗住退休!」五十四歲的梁健平說。

養家有壓力

港視不獲發牌,令快將約滿的一班甘草,包括梁健平、李楓、鄭家生及郭卓樺前路茫茫。

「轉行真係唔知可以做乜,當然掃街、洗碗都係正當職業,一樣有尊嚴,但以我哋嘅年紀,諗轉行不如退休。」五十四歲的梁健平和五十八歲的鄭家生異口同聲說。

有兩個女分別讀中五、中四的梁健平,原本在布行工作的老婆剛退休,要供兩個女讀大學,百上加斤。鄭家生負擔較輕,兩個兒子已經廿九和廿五歲,可幫手養家。

梁健平聲稱鄭家生就算唔做幕前,也可以做武指,但憑《鎗火》獲提名金像獎最佳動作指導的他卻不表樂觀,「而家要識埋電腦,複雜過以前好多,唔夠啲後生嚟。」

梁健平的女兒分別升中五及中四,為了儲她們的大學學費,他希望可接多點工作。

梁健平擔正的《三輪車伕》角逐多倫多影展最佳短片,讓他衝出香港。

五十四歲的梁健平客串韓劇《命中注定我愛你》,表現受網民讚賞。

鄭家生現年五十八歲,武指出身的他 keep得甚弗,仍然打得。

由於李楓曾讀無綫藝訓班,跟師兄周潤發和陳美琪稔熟,以前曾一起為藝進同學會籌款。

年輕時的李楓樣子標致,當年她邊在銀行工作,邊讀藝訓班。

李楓唔靠人

另外,年屆六十一歲的李楓今年十月便約滿港視,雖然電視、電影、舞台劇瓣瓣通,但實質至今仍未有落腳地。

「今年四月,無綫搵我返去拍劇,但我同王維基未約滿,要遵守合約精神。嗰次推咗之後,就冇再搵過我。我信天無絕人之路,若果生活逼人,洗碗咪洗碗囉!」李楓說。

子女各有家庭,李楓為免增添家人負擔,一直堅持經濟獨立。

「八年前,我因為腦入面個泡爆咗,做咗次十個鐘開腦手術,咁都未死得,即係話個天覺得我仲有用,所以我一直繼續做嘢。船到橋頭自然直,人可以靠自己一雙手;廿年前我前夫破產,本來我哋住九肚山大屋,有三架 Benz,一夜間冇晒,當時仔女仲細,我一樣捱得過,何況今次。」李楓說。

比較起來,郭卓樺最無後顧之憂。考獲多個國際標準舞專業資格的他,不但有老師牌,年尾還會考裁判牌。由於他主要教人考老師牌,所收的學費亦比較高。

「除咗教舞,我仲有拯溺牌、小巴牌、巴士牌、貨車牌等等,我又做埋飛車特技;考咁多牌,係要提升自己,俾自己更多選擇。喺呢行堅持落去,錢唔係最重要,我可以喺其他地方賺錢,最主要係鍾意做戲,先可以堅持落去。」郭卓樺說。

插無綫刻薄

現階段港視仍開台無望,但將滿約的他們仍無後悔,認為王維基對藝人十分尊重。反而對前老細大台的刻薄,仍氣憤難平。「我哋拍打戲,公司次次預埋替身套衫,但就得套衫冇替身。」郭卓樺說。

「有次臨時加個凌空撻生魚背脊落地鏡頭,但地下又冇鋪墊,拍完梗係痛自己捽吓藥酒又繼續開工。」梁健平說。

「唔好話拍動作場面慳,我句對白講得唔好,叫導演嚟多 take都唔肯,咁嘅態度,啲嘢點會好!」鄭家生吐苦水。雖然有辛酸,但梁健平表示聽到別人讚賞,就有力量走下去,相信這是不少綠葉的心聲。

郭卓樺因拍示威抗議戲搞到失聲,訪問時梁健平為他做「翻譯」,他講到在無綫拍古裝片時,因為其他藝員頻 NG,搞到他在烈日下跑山跑到拗柴,即面容扭曲。

郭卓樺有國際標準舞教師牌,年底更會考裁判牌,單是教舞已收入不錯。

王維基曾為梁健平(左一)和鄭家生(右四)帶來希望,可惜港府拒絕發牌,令他們夢碎。

鄭家生指在無綫時期,因為多勞多得,往往一日要跑四個廠,希望多賺騷錢,其中拍古裝片時,披住厚厚的戲服拍打戲,特別疲累。

李楓(後右二)早前跟姜大偉、馮素波等,拍港視的《惡毒老人同盟》。

陳安瑩配音搵食

另一無綫舊臣陳安瑩,今年三月已約滿港視,回復自由身。「以前喺無綫我已經有做埋配音,而家亦主要靠佢搵錢,有時外語片就算有人翻譯好,但唔會將譯稿轉番做劇本,我寫埋劇本收多一份錢。配音價錢唔高,仲要等半年至九個月先有錢收,但總算夠生活。有時我會幫港台拍劇,錢唔多,但可以過吓戲癮。」

在此前,陳安瑩一度在朋友的貿易公司打工。「做文職我都應付到,後來朋友公司搬返大陸,雖然人工好唔錯,但我始終鍾意做戲,就算做唔到塔尖嘅一線演員,做塔底綠葉,托住整個行業都好。」



鍾意就快D Share啦!