2014年8月28日 星期四

[壹週刊 1277] 軍訓教育 吳鎮宇送子新加坡讀書 鎮宇,吳鎮宇,M1,




主張軍訓式教仔的吳鎮宇,正準備將 Feynman送到校風出名嚴謹的新加坡升學。

探熱針

軍訓教育 吳鎮宇送子新加坡讀書

吳鎮宇袋千萬天價,父子兵上陣參與內地綜藝節目《爸爸去那兒》第二季,五歲大的 Feynman因為樣貌討人喜歡,加上性格古靈精怪成為人氣王,吳鎮宇在節目中的軍訓教仔方式,更加備受粉絲關注。事實上,為了讓兒子接受傳統嚴格教育,吳鎮宇早已在新加坡搵定學校,安排 Feynman到當地升學。

教仔唔呵住

在《爸爸 2》中,吳鎮宇幾乎集集都扯火鬧仔,有次 Feynman貪玩跳船,結果失足跌落水兼撞爆眼角,他未有安慰之餘,反而喪閙兒子「笨蛋」,但轉個頭又抱住囝囝又攬又錫,網民笑指吳鎮宇精神分裂,比「怪獸家長」更恐怖!

「鎮宇成日話自己咁大年紀先生仔,五十幾歲人個仔先得幾歲,唔知陪得佢幾耐,所以一定要迫佢快啲獨立,將來有咩事,個仔都可以自己照顧自己。」吳鎮宇身邊人說。

吳鎮宇新加坡籍太太王麗萍,早前罕有現身節目,為兩父子打氣。

無論性格同樣子都似足老豆的 Feynman,精靈可愛,撼贏其他小朋友,成為人氣王。

節目中 Feynman貪玩跌落水,吳鎮宇冇氹不特止仲扯火喪鬧,嚇到囝囝爆喊。

幫手賺人仔

性格較偏激的吳鎭宇,教仔方式亦有自己一套,主張不停打擊兒子信心,才會令他更堅強。不滿香港教育制度的他,更一早計劃將兒子送到新加坡升學。今年升小一的 Feynman,已成功考入位於黃竹坑的新加坡國際學校,為將來先打好基礎。

「新加坡學校出名夠嚴,功課考試特別多,啱晒鎮宇要求,佢老婆(王麗萍)又係新加坡人,佢哋八月中都過咗去新加坡睇定幾間學校,話等個仔再大啲,過多一、兩年就掟佢過去,而家讀 SIS(新加坡國際學校),打定底先。」

在內地爆紅的 Feynman早前孖住老豆到蘇州出席樓盤活動,媽咪亦有同行,早機去晚機返,五歲人仔,已經有本事幫手吸金。

當晚,吳鎮宇刻意同老婆分開閘口出,頻撲了一整天的 Feynman坐在行李車,由吳鎮宇推住出閘,之後又扭計,要爸爸抱住行去停車場,攰爆!

頻撲了一整日的 Feynman,落機時唔肯行,要爸爸抱住上車。

一向低調的吳太專登前後腳出閘,一家三口在停車場會合。

早前有網民在微博將 Feynman就讀的學校起底,即辣㷫吳鎮宇將所有微博刪除。

Feynman已成功考入新加坡國際學校讀小一,上週已開課。

早前,吳鎮宇與囝囝穿上父子裝,北上出席樓盤活動,齊齊搵人仔。

升學首選

新加坡家長制教育向來嚴苛,唔少藝人都選擇將子女送往當地讀書,管得緊又可以提高英語水平,加上同香港距離近,方便來回。

張栢芝

張栢芝 11年與謝霆鋒離婚後,一度考慮將 Lucas和 Quintus留在加拿大讀書,後來同前夫傾掂數,安排兩子到新加坡讀書,好讓拉姑探孫,毋須長途跋涉。

李連杰

於美國及上海生活多年的李連杰和利智,為栽培兩女 Jane和 Jade接受優質教育,李連杰放棄美國護照, 08年舉家移民新加坡,兩女入讀當地名校 Oversea Family School,並在附近買下四千呎豪宅,陪女讀書。

劉家輝

09年,劉家輝的兒子 Kris出國升學,但劉家輝怕英國、美國思想開放,兒子容易受影響誤入歧途,最終決定送子到新加坡讀書。



鍾意就快D Share啦!
Related Posts Plugin for WordPress, Blogger...