2014年9月4日 星期四

[壹週刊 1278] Kelly紀念耀榮 嗌晒救命 Kelly,陳慧琳,M1,




Kelly走近觀眾席收花,點知俾對方扯住唔放,嚇到佢嗌救命。

同你吟一吟

Kelly紀念耀榮 嗌晒救命

今年三月過身嘅張耀榮,出殯當日,靈車破例獲批喺紅館繞圈同進行上香儀式,演唱會之父,生榮死哀。人走咗,但一班樂壇阿哥阿姐,對耀榮叔依然尊重。

上星期六(八月三十日),一連兩場紀念演唱會開鑼,唔少受過前輩提攜歌手,都有落場,包括天后級嘅 Kelly、 Sammi、 Joey同千嬅,仲有天王級嘅學友、劉華;張耀榮睇中,由台灣帶過嚟香港嘅葉蒨文,同埋紅顏知己關菊英更加唔少得,過江嘅五月天,更俾面連唱兩場。

入行後處女演唱會都係交俾張耀榮做搞手嘅 Kelly,行近男 fans收花期間,俾對方扯住佢唔放手,嚇到 Kelly嗌晒救命。

至於同張耀榮做過鄰居嘅欣宜,更自爆因為媽咪肥姐做嘢忙,所以佢經常喺張家黐餐,「 uncle成日問我啱唔啱食,我記得嗰陣得六歲,就識得同 uncle講,你求其俾啲鮑魚蟹黃翅我食就得!」

常言娛樂圈人情紙咁薄,八珍認為未必!

兩晚紀念個唱,張耀榮太太都有現身,現場仲留咗個位同放咗支可樂,做到足。

懷念演唱會之父, Sammi生猛, Joey淡定。

Sammi唱頭場,許安唱尾場攬千嬅,兩公婆各有各。

細細個成日喺張家黐餐嘅欣宜,同老豆秋官玩孖咇。

學友、劉華同左麟右李,過去同張耀榮多次合作。

五月天唱足兩場,好幫手!



鍾意就快D Share啦!
Related Posts Plugin for WordPress, Blogger...