全城熱爆的娛樂八封新聞 & 時事趣聞 & 生活 + 趣聞
新一屆港姐星期日（八月三十一日）誕生，三甲人選由大會評判選出，再由觀眾定冠亞季軍，所以被全城圍插預演假普選。之不過有份响準決賽同決賽做評判嘅黃宗澤，就話自己一直睇好⑮邵珮詩擇冠，所以對於賽果都好滿意。
決賽前一晚（三十日），黃宗澤同助手以及化妝師一齊行海港城 Joyce買衫，之後再自己一個行去撳錢，其間有位長髮女 fans見到偶像，即刻停低搭訕，吹番陣。 話時話，當日黃宗澤黑帽黑衫黑皮褸黑皮褲再加對黑皮 boots，黑到咁，都俾 fans認出，八珍自問冇咁好眼力。
成身黑嘅黃宗澤，撳完錢之後遇上 fans，咁靚女，更加要笑晒招呼。
去完 Joyce入貨，黃宗澤將戰利品交俾男助手攞住。
阿佘係港姐出身，黃宗澤過氣女友又係港姐，由佢哋兩個做評判，夠資格。
