上週四（ 28日）， Coffee唱咗〈插曲〉、〈至少還有你〉和〈明目張膽〉 3隻歌，聽歌唔係重點，之後派親筆簽名照先係高潮，一班男酒客表現異常興奮，個個伸晒手為求一張簽名照，短短幾分鐘已派過百張簽名照，連 Coffee自己都估唔到咁受歡迎。
真面目
辛苦錢 唔提殘廁 當大星招呼 Coffee惠州夜場輪攬
因「殘廁 gathering」響朵嘅 Coffee（林芊妤），雖然被大台炒魷，但唔使再捱攞命通告，自由度更大，如今教瑜伽同登台孖住做，收入好過喺大台多多聲。
上週四（ 28日）， Coffee獲邀到惠州一酒吧任表演嘉賓，全程享用紅星級招待，專車接送加五星級酒店住宿，酒吧入口仲有大型布景板，連殘廁提都冇提，用上「香港影視大紅人」的橫額介紹，係誇張咗，但你估易有㗎呢啲待遇！
Coffee首次內地夜場登台，處女下海對住客仔過份舉動更加硬食冇 say no。結果 3支歌仔加任攬任影盛惠 6萬，老闆娘事後勁讚物超所值。今次蝕底咗，下次咪叫高啲價補數囉，拉上補下， Coffee咁叻女點會唔識計！
餐廳老闆力追 Coffee：識咗半年！
最近有傳西班牙餐廳老闆 Edward力追 Coffee，仲話 Coffee亦好受落。週一 Coffee就對本刊澄清：「只可能講 3個字『流到爆』，大家識咗半年時間，有去過佢餐廳嘅週年聚會，不過我哋只係好朋友關係，同佢冇發展嘅空間㗎！」你特別多好朋友嘅？
20 facts about Coffee
玩完冰桶找完數，最近 fb同 Instagram又新興起一種叫「 20 facts about me」嘅遊戲（其實 N年前 Xanga年代成日玩）。今次被 tag的人要 list出 20項關於自己嘅嘢，然後再 tag其他人。 Coffee以「殘廁 gathering」響朵，玩呢啲簡直碎料！
1.鐘意獨自去戲院連續睇晒所有上映嘅戲。
2.我好怕好怕鬼。
3.以前主食係薯片，𠵱家主食係甜品。
4.有潔癖，不論咩地方見到污穢野會忍唔住。
5.好食得但又好減得。
6.好怕應酬，最怕自己講錯嘢。
7.鐘意睇靚女多過靚仔。
8.其實好懶，無日日做瑜伽。
9.完全同陽光做唔到朋友，見到佢就驚。
10.好憎人屈我或者喺我背後說三道四。
11.有時好享受自己行街食飯，做自閉精。
12.可以有十萬個理由推掉所有約會。
13.對住電話可以對足成日都唔厭。
14.好鐘意買平嘢行街市。
15.身體好差，抵抗力又差，咩都差。
16.瑜伽是我生命。
17.個樣好精靈其實成日傻下傻下。
18.數學奇差。
19.經常性笑到喊。
20.非常善忘，極度大頭蝦。
|
鍾意就快D Share啦！
|
|
|
