2014年9月4日 星期四

[壹週刊 1278] 估佢唔到 古惑仔 18年 小春贏伊健 伊健,陳小春,小春,鄭伊健,M1,




探熱針

估佢唔到 古惑仔 18年 小春贏伊健

爛船三斤釘!上世紀的《古惑仔》系列電影,帶挈鄭伊健、陳小春、謝天華、錢嘉樂、林曉峰至今,去年舉行了四場「友情歲月」演唱會,一年唔夠再以 Summer Pop形式開 part II,雖然浩南哥伊健負責統籌,但為免搶兄弟風頭,伊健個人金曲欠奉,麵迷大失所望。

一班古惑佬行走江湖接近廿年,冇人估到,原來山雞陳小春比浩南哥富貴,手持近億物業,也是五佬之中,資產預埋老婆唯一一個。

狂寸政府

去年十一月在紅館舉行了四場「友情歲月」演唱會後,一班古惑佬原本無打算再添食,直至特區政府邀演 Summer Pop,製造開 part II機會。

「無諗過,以前我哋做《古惑仔》俾人話教壞細路,今日反而係政府機關要我哋做騷!」鄭伊健好感觸。

完騷後,陳小春再寸嘴:「大家性格唔同,要求唔同,合作其實困難重重,都無諗過會再開,後來話係政府請我哋做『 Summer Pop』喎!真係山水有相逢,仲有證書添!你知我哋以前做《古惑仔》,好似真係做咗『古惑仔』咁,嗰段時間,根本無有關政府嘅活動會搵我哋做嘢!」

兩位阿嫂應采兒與蒙嘉慧排排坐撐老公小春、伊健。

湯盈盈抱埋囡囡 Alyssa睇騷,錢嘉樂還興奮抱囡囡上台唱歌。

陳小春和謝天華以前係組合風火海成員,兩個仲跳得唱得!

歌酬平分

掛「 Summer Pop」牌頭開 show,內容有不少改動,五佬向各位「阿嫂」唱冧歌環節被剔走,不過蒙嘉慧、應采兒、謝天華老婆 Tina,均是座上客,康子妮做埋和音,湯盈盈則湊埋囡囡 Alyssa,搵齊好友佘詩曼、梁靖琪、周家蔚、姚樂怡、文頌嫻,著晒錢家班風褸撐場。

開騷歌酬平分,演出時間亦均勻,大佬浩南負責統籌,但最多 hit歌的伊健為唔搞個人主義,刻意加插不少阿倫哥哥 Aaron劉華金曲,兄弟大合唱。

錢家班負責大會動作指導,伊健有機會大展身手。

事先張揚會淋水演出,最後甩晒底,只攞水槍互射。

伊健到玩具反斗城買了五件衫,眾人變身蜘蛛俠、蝙蝠俠、超人、鐵甲奇俠和閃電俠出場。

完騷後,五子在後台接受 Summer Pop的演出證書。

小春最錫老婆

「古惑仔」行走江湖多年,最搵到錢除了鄭伊健,還有在國內密密賺的陳小春。唔聲唔聲,嚇你一驚!小春投資磚頭,賺過千萬,仲要同老婆講心又講金,買樓加埋應采兒名。鄭伊健去年同蒙嘉慧結婚,但名下物業鄭太全部無份;錢嘉樂湯盈盈財政獨立,各自持有一個物業。至於謝天華, 06年將手上物業甩手賺近百萬後無再買樓,而 12年回巢無綫的林曉峰,至今無磚頭揸手。



鍾意就快D Share啦!