[FACE 380] 修身思琦埋有線堆 思琦,MF,

思琦妹話佢有 BB時重咗 40磅，不過順產所以一生完即刻無咗 20磅喇，加上思琦每餐都只會食到 7成飽，間中做吓伸展運動，所以生 BB後佢極速瘦身！

全知言

修身思琦埋有線堆

離開大台唔係末路，可能係出路。好似楊思琦咁，離開大台後即刻有運行，得到現代美容同佢續約，繼續做纖體代言人，酬勞更有 7位數字。

其他影片：>>靚媽思琦纖體相勁素呀

冷艷 look嘅思琦，望兩眼其實有啲早期嘅彭羚，思琦妹可以考慮吓去登台時扮吓林太。

對住全知言， 36歲思琦妹都忍唔住要賣口乖，「好多謝現代美容老闆娘咁信任我……今次除咗有靚嘅造型之外，最驚喜係有冷艷 look，因為自己好少會做到呢啲形象，有機會嘗試覺得好開心。」

近排思琦主打返內地接吓剪綵或者樓盤開賣騷，而佢亦表明好想拍內地劇，梗係啦，內地劇出手闊綽，個個都想拍啦。中港兩邊走嘅思琦妹，除咗接內地騷，佢仲幫有線主持一個專講愛情嘅清談節目《愛情紀實》，當中佢會講吓歷史、訪問吓一啲喺感情上比較多姿多采嘅藝人、朋友，預計 10月尾就會出街。心急見思琦妹咩？離開大台之前思琦拍咗《大藥坊》，雖然大台有可能將思琦妹剪得就剪，但係佢飾演女主角鍾嘉欣哎吔媽咪，唔會剪晒啩？

網上圖片

離開大台後，思琦不時往返內地吸金，仲有報導話佢月賺過百萬，唔怪得思琦對住全知言都忍唔住笑話：「𠵱家嘅生活好充實忙碌，都好多謝咁多活動邀請我，咁進帳都多咗好多嘅！」

鍾意就快D Share啦！

下一篇 》