熱爆娛樂: [FACE 380] 新 4大　大台欽點　 4小龍出閘 MF,

2014年9月4日星期四

[FACE 380] 新 4大　大台欽點　 4小龍出閘 MF,

1號王浩信

王浩信捱足 7年終於喺新劇《樓奴》擔正，上週四（ 28日）到新蒲崗拍外景。當日拍攝王浩信被李詩韻糟質戲分。

真面目

新 4大　大台欽點　 4小龍出閘

喺大台捱最緊要長命同好命，任你做戲好過黃秋生，冇高層欽點你可以做成世都係二打六。

最近大台契仔林峯離巢，孭飛男主角買少見少，大台先醒覺急谷 4位小生王浩信、羅仲謙、沈震軒及梁烈唯接棒。其中王浩信更得戲劇總監曾勵珍力推，貪佢似陳豪有師奶殺手潛質。最近喺新劇《樓奴》首度孭飛做男一，仲揾兩位一綫索女岑麗香、李詩韻做佢花瓶。王浩信話：「難得有呢個機會，希望呢鋪中」最緊要聽話肯簽長約，你懂的！

接陳豪棒

31歲王浩信 07年開始喺無綫紮根，上年在《名媛望族》被劉松仁摑上位，之後仲攞埋「飛躍進步男藝員」。今年正值無綫鬧小生荒，王浩信借機上一綫。據知珍姐覺得王浩信有 6呎高，又結婚又有 B，典型陳豪式「師奶殺手」類型。喺新劇《樓奴》決定畀位佢上，角色更係搞笑為主入硬屋。終於出閘，王浩信話：「今次好好彩做到男一。難得有呢個機會，希望呢鋪中其實有工開就得，男一男二男三都冇所謂！」你最襟撈！

《名媛望族》經典一幕、被劉松仁連摑 11巴，成功令王浩信摑上位。電視畫面

喺無綫捱足 7年，今年初做男一，上年就攞「飛躍進步男藝員」。

珍姐睇中王浩信有陳豪特質，二人曾經喺《法外風雲》合作，王浩信說：「陳豪我拍馬未追得上。」

非親生照捧

沈震軒原本冇份拍《使徒行者》，因為森美辭演先頂上，之後仲拍到跌斷手，堅搏命。

大台嚟嚟去去都係黎耀祥同陳豪，兩位年過 40想拍青春劇真係冇可能。眼見韓劇件件廿零歲吸晒班𡃁妹客，大台終於醒覺，喺新劇《衝線》揾咗羅仲謙、沈震軒孭飛。雖然二人都過 30歲，大台嚟講叫後生喇！食住呢輪踩單車熱潮，希望吸引下啲宅女。雖然二人都唔係大台經理人合約，不過羅仲謙女友係楊怡，早已算半個親生仔；而沈震軒亦有太陽娛樂 Paco雄厚歌影 back up，大台唔會計錯數嘅！

羅仲謙 08年開始拍無綫劇，雖然唔係親生仔，但年資夠耐，大台又等人用，成功上位上一綫；而沈震軒除咗大台畀位外， Paco亦有意捧佢做舞王，幫佢出碟又接電影。