掃呢頁CODE去手機

2014年9月4日 星期四

[FACE 380] 媽媽抱抱 冇見年半  GOT7港仔喊啜阿媽 GOT7,MF,




Jackson喺演唱會介紹自己係「土生土長的香港人」,引嚟全場觀眾歡呼支持。

真面目

媽媽抱抱 冇見年半  GOT7港仔喊啜阿媽

上週六( 30日) JYP朴鎮英率領旗下一眾歌手殺入亞洲博覽館展開《 2014 JYP NATION- ONE MIC》家族演唱會。除咗 2PM俊昊同 missA秀智跳貼身舞時玩胸,引嚟男女粉絲嗌破喉嚨外,演唱會焦點一定係 GOT7嘅港仔 Jackson(王嘉爾)喇!

為港增光,衣錦還鄉的 Jackson難免感觸話:「 1年半都冇返過香港,好開心。」下一次見媽咪唔知幾時,所以今次返港, Jackson即把握機會當眾啜媽咪,母子情冧爆。







4年前, Jackson仍然係本港劍擊代表隊成員,父親王銳基更是前港隊劍擊教練。《蘋果日報》圖片

冇返香港已經 1年半的 GOT7成員 Jackson,今次趁住 JYP開家族演唱會,終於有機會返香港見下屋企人同朋友。

「一直都很掛念他們」

Jackson返到嚟香港見到咁多粉絲嚟接機,固然激動到咬住香港區旗跑出閘,但更開心係終於有機會見嗲哋媽咪。上週五 Jackson一落機見到媽咪即刻一邊行一邊攬,本刊更發現,到週六演唱會當日, Jackson的媽咪同朋友都有去棒場支持, Jackson見到媽咪坐喺觀眾席為佢打氣,佢即刻搵機會行埋台邊啜咗媽咪一啖,啜嗰陣仲有啲眼濕濕。 Jackson之前接受韓國媒體訪問,提起在香港的屋企人, Jackson忍唔住話掛住,「我的父母是我人生中最重要的人。在韓國生活,和家人相隔很遠,所以一直都很想念他們。」

GOT7喺演唱會勁投入,翻筋斗當然係常識。《蘋果日報》圖片

Jackson早前亮相韓國《 Before I Die Special》節目,說起家人:「死前最想做的事,是令家人為我感到驕傲。」

母子情深,喺舞台上的 Jackson發現媽咪後,梗係要錫番啖先得啦。網上圖片

上週五( 29日) Jackson到港後,媽咪一早喺佢下塌嘅都會海逸酒店門口等乖仔,冇見媽咪好耐嘅 Jackson即刻攬住媽咪錫錫。阿媽都要好似 fans咁企酒店門口先見到仔一面,你話陰唔陰功?網上圖片

曾經喺香港劍擊代表的 Jackson,今次佢嘅前隊友都嚟同佢打氣,仲一齊喺後台影相添!



鍾意就快D Share啦!