掃呢頁CODE去手機

2014年9月4日 星期四

[FACE 380] 徐子淇疏遠閨密 徐子淇,MF,




模特兒出身嘅 Qinnie,想當年同 Kathy勁老死,如今 Kathy做咗千億新抱,同樣係闊太嘅 Qinnie都唔弱,名牌袋要幾多有幾多,更經常接受雜誌訪問晒珍藏。

全知言

徐子淇疏遠閨密

通常都俾人叫做徐子淇( Kathy)閨中好友嘅玩具城老闆鄭躬明太太陳君宜( Qinnie),曾經同千億新抱出雙入對 friend過打 band。不過呢排忽然冇乜見 2人孖住出現,發生咩事呢?

全知言收到風,原來 2人已經冇聯絡半年,話說 Kathy覺得 Qinnie大口,為免將自己嘅私事四圍講,所以就冇再搵對方。 2人唔 friend亦有跡可尋,好似 Kathy早排為冰桶找數都已經轉咗搵另一幸福少奶奶黎姿,一齊拍片同互相淋冰,𠵱家千億新抱同邊個最 friend?好明顯係馬太。

過往 Kathy出街,好多時 Qinnie都會陪伴在側,不過呢個畫面已經好耐冇出現。

兩位幸福少奶奶約埋一齊找條冰桶數, 31歲徐子淇同 42歲黎姿完全冇代溝。

Qinnie不時喺微博度炫富㗎,除咗名牌袋,又點少得值數百萬嘅名車呢?車牌仲係 Qinnie開設嘅時裝網站名「 Zeuz」。網上圖片



鍾意就快D Share啦!