掃呢頁CODE去手機

2014年10月10日 星期五

[忽然1周 1002] 卓林被指疑似 TB拒返學 吳綺莉心痛:唔好屈我個女 卓林,吳綺莉,MW,




吳綺莉強調卓林話自己唔係同志,而且之前卓林同男仔都有過 puppy love。

娛樂喧

卓林被指疑似 TB拒返學 吳綺莉心痛:唔好屈我個女

吳綺莉( Elaine)與女兒吳卓林相依為命。由於父親是成龍關係,「小龍女」自小已習慣被追訪。不過,近日有周刊指卓林疑似同性戀,更指兩母女缺乏溝通。護女心切的吳綺莉怒斥:「唔好屈我個女!」

將於周五( 10日)舉行畫展的吳綺莉,近日忙個不停。不過這篇報道出街後,卓林無辜被同學指指點點,周一更因情緒問題冇返學。難怪吳綺莉大動肝火︰「我同個記者講卓林係鍾意男仔。有乜嘢話我好喇,咁樣寫嘢會影響小朋友。」







單親母親吳綺莉( Elaine)多年來獨力照顧女兒, 15歲的卓林就讀國際學校,由於三年後便要入大學,故吳綺莉對女兒的學業非常緊張。近日有周刊暗示卓林是同性戀,令她即時成為同學的討論焦點。情緒備受困擾的她,周一更缺席冇返學。

據知情者表示,雖然小龍女在單親家庭長大,但由於從未見過父親,所以未有留下陰影。即使卓林睇電視見到成龍,都冇特別反應,因為她對成龍好陌生。就算平時有記者在門口等吳綺莉,卓林亦只是笑笑口講句:「又嚟喇!」

吳綺莉與中性打扮的卓林相依為命,兩人不時一起逛街,母女感情甚好。

畫展中的作品大部分都以投標形式發售。吳綺莉這幅以花為題材的油畫,已獲作家李純恩(小圖)以四萬元預購。

缺課避是非

愛女被屈後情緒低落甚至曠課,吳綺莉自然一肚火。周二( 7日)下午,她親自運送畫作往中環,準備周五開畫展。被問到女兒的性取向,吳綺莉話卓林係鍾意男仔,更稱︰「我點會唔知個女想點。」

記:報道暗指卓林同性戀,係咪真?

吳:唔好屈我個女,有乜嘢話我好喇,咁樣寫嘢會影響小朋友。我同個女相處咗十幾年,點會唔知佢想點。

記:有冇問過卓林?

吳:我唔介意女兒嘅性取向,但都問過卓林,佢話自己唔係同志。之前佢都同我講過鍾意咗個男仔,都有 puppy love。佢依家係中性打扮,可能因為咁俾人講

記:個女拍拖有冇同你講?

吳:有,不過佢話自己要專心學業,其實佢得十五歲,自己想要乜都唔知喇。依家佢要準備入大學,我唔想其他嘢影響到佢。

記:報道出街對卓林好大影響?

吳:我最唔想咁樣,小朋友根本唔知乜事,突然成為焦點,始終唔係咁好。搞到卓林尋日(周一)冇心情返學,我做阿媽點會唔嬲!

吳綺莉指,卓林這個年紀,對同學友儕的關係最緊張,現在個女為了避是非,寧願自閉家中。

自行運畫

周二下午,吳綺莉揸車送畫去畫廊。下車後她自行搬運畫作,不理途人目光。

乖女贈興

吳綺莉的畫展本周五起在中環雅品藝社舉行。為了慶祝母親開畫展,早前卓林在外面的牆壁塗鴉。

為了替母親開畫展贈興,卓林要擔梯塗鴉,由於她要換不同顏色的噴漆,搞到佢要擒高擒低。

卓林塗鴉支持

卓林喜愛畫畫,她亦有三幅畫作展出。這幅名為《 A Lot to Feel But Not A Lot to Say》的作品,亦已被預購。

吳綺莉與卓林相依為命,吳綺莉開畫展,卓林也全力支持。吳綺莉說:「現場有佢嘅畫,早幾日,佢仲特登喺場館門口,畫咗幅塗鴉送俾我。」

現場所見,吳綺莉及卓林的畫作色彩明亮,而卓林的畫風更糅合了抽象派味道。看來卓林也遺傳了母親的藝術細胞。

明星多才藝

不少明星除了

擁有聲、色、藝,還多才多藝,在藝術界大放異彩。

徐錦江

巴黎開畫展

拍過十七部三級片的徐錦江,原來畢業於廣州美術學院,擅長繪畫及雕塑,更是嶺南畫派宗師關山月的弟子。其作品去年獲邀在巴黎皇宮藝術館展出,更被製作成中國郵票。

葉蘊儀

辦校教陶瓷

今年復出拍劇的葉蘊儀,醉心陶瓷多年,之前仲開過拍賣會。今年九月,她更投資六位數字開辦藝術學校,明年初又舉行個人作品展。

顧紀筠

設計陀飛輪

顧紀筠曾修讀珠寶櫥窗設計及珠寶鑑證課程。她除了自家設計首飾外,去年更有份設計女裝陀飛輪手錶。



鍾意就快D Share啦!