2014年11月28日 星期五

[忽然1周 - 1009] 秘嫁有米門鎖大王  39歲利嘉兒:唔排除人工受孕 利嘉兒,MW,




闔家開餐

買完廁紙後,他們與屋企人會合,再到附近酒樓開餐,一食便食足三個鐘,最後就返回北角愛巢。

娛樂喧

秘嫁有米門鎖大王  39歲利嘉兒:唔排除人工受孕

十年前在大台靠教普通話節目而闖出名堂的利嘉兒( Lily), 08年與周國豐離婚後便淡出娛圈。多年來鮮有露面的她,原來於 2010年秘密再婚。

再做人妻,利嘉兒決定唔大事鋪張,事關其老公屬隱形富豪。據知,利嘉兒老公姓劉,與家人在內地開廠做製衣及門鎖生意,更有三層北角半山樓揸手,身家逾億。

今年 39歲的利嘉兒,早前更自爆心急造人,大方向記者說:「唔介意人工受孕。」戮力為有錢老公繼後香燈。







消失娛樂圈五、六年的利嘉兒( Lily),月初突然現身數碼電台擔任 DJ,除自爆昔日被大台強迫去飯局一事,更承認五年前已再婚,令她再度成為新聞人物。不過對於老公家底,卻三緘其口。

據知 Lily早於入行前,已認識現任丈夫劉先生一家,因此婚前已與老爺奶奶非常友好,當年 Lily主持普通話節目,老爺奶奶更是她的粉絲。

「劉生同 Lily由朋友做起,大家非常了解。其實劉生一早對她有好感,只係等到佢離婚先敢追佢,而且男方父母又清楚 Lily嘅為人,非常支持佢哋一齊,所以佢哋拍咗年幾拖就結婚。」知情者說。

婚紗相曝光

利嘉兒 5年前秘密再嫁,更與丈夫飛到東京輕井澤影婚紗相。本刊近日從特別途徑,獲得二人婚照。披上性感婚紗的利嘉兒,露出事業線。

老公買廁紙

上周四( 20日),利嘉兒開咪後,先到柴灣拍攝「 now」節目,然後飛的到太古城會合老公。其間, 2人到藥房買家品,利嘉兒老公負責俾錢和拎廁紙,相當細心。

中港門鎖生意

利嘉兒老公生意瓣數多,有製衣和門鎖生意。名下其中一間公司叫「 Kambo Security Products Limited」,與胞弟和兩名投資者合夥。公司於 1984年設立,主力為內地屋苑提供門鎖,現時香港基地設於葵芳,中港兩地員工過千人。

三千萬樓揸手

現時利嘉兒老公名下有北角百福花園高層單位,市值 900萬,而男家亦在同屋苑有兩個單位,市值二千萬。計埋內地廠房和物業,男家至少有八千萬身家。

二百萬包親友觀禮

二人於 2010年結婚,當時 Lily包機票食宿,宴請 60位親友去東京輕井澤觀禮,花費二百萬。「佢哋好鍾意日本,所以揀去日本行禮兼影婚紗相,當時佢哋仲扮日本明星嚟娛賓,現場氣氛好 high,大家都玩得好癲。不過男家非常低調,所以佢懇請各賓客唔好將婚禮嘅相外洩。」知情者說。

男家要求低調,皆因 Lily老公劉生為中港生意人,與家人經營製衣及門鎖生意,每年生意額達 8位數字。婚後二人所居住的北角半山愛巢,也是由劉家持有,市值九百萬。而老爺奶奶則住同屋苑的相連單位,不過 Lily名下則未持有物業。「 Lily好識做,知道男家唔鍾意出名,所以佢婚後都冇同圈中人聯絡,平時除咗 shopping就係陪老爺奶奶,所以好得寵。」知情者說。

17/11中環晒行頭

上周一( 17日),記者在中環 ifc發現利嘉兒行街,她在連卡佛展開瘋狂式試衫試鞋,唔貴唔試。

雖然買唔到衫,但她也殺落餅店買了近千元西餅。記者發現當日她行頭非常誇張,全程更戴住黑超。

心急生仔箍老公

雖然嫁得好,但 Lily亦希望為劉家添丁,可以箍住老公。「雖然老爺奶奶好開通,冇催過佢哋。但 Lily知道老公好鍾意小朋友,加上佢都成 39歲,係時間要生小朋友㗎喇!佢知呢個年齡,受孕機會微,所以佢都向朋友打探下人工受孕嘅方法。」知情者說。

上周一( 17日)早上, Lily趁開咪前往 ifc商場 shopping,對於心急生仔一事,她說:「唔介意人工受孕,科技係用來幫我哋,我哋應該善用。(有冇同老公傾過?)我哋唔抗拒,但就無特別傾過。反而我哋覺得第時想有而又冇嘅時候,我哋會領養,覺得係一種使命,將愛帶俾小朋友。」

周二( 25日), Lily出席活動。記者再向她追問有關老公家底一事,她說:「總之佢就係從事內地製造業,成日都會返內地傾生意。(男家有三層樓但冇你份喎?)錢呢啲嘢唔好講,最緊要係佢錫我,唔好都唔嫁俾佢」

10/11富貴開咪

現時利嘉兒逢周一至周五,都到數碼電台開咪,不過她返工也要秉承闊太宗旨,行頭十足。

情路坎坷

雖然利嘉兒今時今日成為富貴人妻,但原來她情史也坎坷。

與 DJ「假」婚

利嘉兒 05年與港台 DJ周國豐結婚,更豪花百萬在山頂餐廳搞派對,圈中不少天王天后都俾面出席,媲美台慶及樂壇頒獎禮。不過,二人於 08年因性格不合而分手,隨即更被踢爆兩人根本冇註冊。



鍾意就快D Share啦!
Related Posts Plugin for WordPress, Blogger...