全城熱爆的娛樂八封新聞 & 時事趣聞 & 生活 + 趣聞
實驗一
近日王祖藍喺台慶求婚惹嚟熱議，咁究竟真係結婚嘅時候應唔應該直播呢？等我哋用過往嘅紀錄話你知：
1983年，周潤發與余安安，大台直播婚禮， 9個月後離婚。
1988年， B哥哥與章小蕙舉行豪華婚禮，大台安排喺歡樂今宵直播，結果二人 1999年離婚，仲反目到不能再反目嘅地步。
1992年，萬梓良同恬妞喺清水灣電視城結婚，更由邵逸夫主婚， 96年離婚。
祖藍同亞男，你哋玩求婚都谷唔起收視啦，何苦搵你哋嘅婚姻嚟教飛呢？
阮兆祥喺棟篤笑度恥笑大台兼力撐港視，仲話「香港睇電視冇得揀，只得一個台」，呢鑊嘢究竟會有乜嘢下場，都係嗰句，等紀錄話你知：
2012年，陳美詩拍特輯時受傷，男友孫耀威力插大台，跟住陳美詩被冷藏，最後離巢。
2014年，有報道指大台高層余詠珊發出禁制令，嚴禁同事邀請黃子華、歐錦棠等亮相大台綜藝節目，全因兩者都有發表支持雨傘運動言論。
2014年，因七警事件在大台新聞播出，有關前線員工被訓斥，更有員工被降職。
阮兆祥可以疊埋心水去拍電影、加盟港視，或者長做棟篤笑。返大台?我驚下年台慶做棋子嗰個係你呀祥仔！
科學係講求歸納嘅，所以我哋嘅實驗室主要係歸納番過去發生嘅事，計算未來嘅結果。
