全城熱爆的娛樂八封新聞 & 時事趣聞 & 生活 + 趣聞
拍過《繼承者們》嘅敏赫，今次要獨自面對粉絲，表情僵硬。睇佢身後啲粉絲伸長隻手，都掂佢唔到囉。
同樣係嚟自韓國嘅男團 CN Blue成員姜敏赫，似乎唔夠李光洙咁 nice喎。媽咪姐冇亂講㗎！平時有 3位隊友傍住嘅敏赫，招呼粉絲嘅重責好少關佢事，但今次嚟香港搞簽名會，要佢一對五百，壓力大呀！所以大會要求落台同粉絲合照，佢都要企開一呎，絕對嚴防粉絲掂到佢。
之後嘅簽名會，敏赫雖然有求必應，寫粉絲名同握手，但睇佢好怕醜，冇乜眼神交流。睇嚟佢真係要多啲搞個人活動，訓練下點面對粉絲喇！
同敏赫最親密都係得呢一刻，粉絲上台玩遊戲可以抱抱。只能慨嘆，呢個機會不是我的。
睇下敏赫簽名握手，冇望過粉絲囉。
嚟咗香港兩日嘅敏赫，最輕鬆都係去 shopping嗰陣，俾人影都冇影響心情。
