全城熱爆的娛樂八封新聞 & 時事趣聞 & 生活 + 趣聞
早幾日媽咪姐喺 ifc撞到「政界掃把頭」葉劉同阿女去食壽司。本來 family day應該好開心嘅，之但係，葉劉埋單嗰陣，眼尾掃到有鏡頭對住佢，跟住就扯火喇！佢先嚟一招怒啤，再嚟招潑婦罵街兼反拍。不過最陰功唔係俾佢鬧嘅媽咪姐，而係喺佢身邊嘅囡囡。佢諗住幫手勸阿媽收口啫，竟然慘變箭靶反俾阿媽省。其間葉劉仲氣沖沖對阿女講：「你唔好阻住我！」所謂禍不及孩兒，葉劉收收火
正當葉劉用緊佢好高尚嘅英文鬧緊記者嘅時候，好有家教同 EQ嘅阿女從後飛撲埋嚟 say sorry，今鋪真係苦了囡囡！
原來葉劉袋兩部電話出街係有原因，一部用嚟 call人投訴，另一部就用嚟反拍，高招！
一心諗住息事寧人嘅阿女，勸阿媽收火嘅同時，被對方反鬧不特止，仲被喝令幫手反拍記者。此時阿女亦禁不住說：「我冇電話呀，大佬！」
