全城熱爆的娛樂八封新聞 & 時事趣聞 & 生活 + 趣聞
向太陳嵐（左一）喺微博上載咗張包括丈夫向華強（左二）嘅家族合照，仲寫咗篇好長文章，緬懷向華勝。
拍過唔少經典港產片，包括《賭神》嘅 63歲永盛電影老闆向華勝，上周四（ 20日）喺北京嘅醫院，因食道癌引致器官衰竭病逝。
作為佢太太嘅端木櫻子、哥哥向華強同太太陳嵐、姪仔向展邦等，趕到當地嘅八寶山致祭，兼領回骨灰運返香港安葬。端木櫻子話會聽從亡夫遺願，喺告別式上唔喊，要熱熱鬧鬧開心同歡喜，等佢走得安心。佢仲話等下月 11日喺世界殯儀館舉行嘅喪禮結束，將丈夫骨灰安葬喺家族墓園後，返回北京。
向華勝太太端木櫻子為免亡夫遺容同骨灰盒曝光，所以請咗 50位親友包圍佢哋乘坐嘅 Bentley豪華房車，用人牆遮住運送骨灰過程。 《蘋果日報》圖片
向華強夫婦趕去北京送亡弟向華勝，離開嗰陣，向生話情緒沉重，然後搵向太交代香港嘅喪禮安排。 《蘋果日報》圖片
