全城熱爆的娛樂八封新聞 & 時事趣聞 & 生活 + 趣聞
一出張單，二話不說，即時遞俾工人姐姐，嘩，好有少奶奶風範。
早個星期，撞到難得唔使開工嘅人妻楊千嬅，見佢帶埋工人姐姐去咗屋企陽明山莊樓下嘅超市濕平。不過人濕佢濕，佢零舍有明星風範，事關落街買嘢都戴番副超，搶眼之餘又顯霸氣！
買完嘢，碌完卡，出埋張單，佢就即刻遞張單俾工人姐姐拎，但一抬頭見到媽咪姐影相，塊面即黑過佢副超，未等工人姐姐將啲嘢入袋，已經擰轉身撇咗！其實千嬅去超市買嘢都咁型，驚乜呢？
簽單
撇嘴 簽單時，楊千嬅依然戴住副超，黑媽媽，睇得清楚咩？簽完單一抬頭，見到媽咪姐，即時撇嘴。
速閃 後來頭也不回速閃，留低工人姐姐喺度「執貨」。
