掃呢頁CODE去手機

2014年11月28日 星期五

[忽然1周 - 1009] 林峯為一億「裸命」 林峯,BKD_S,MW,




楊受成力捧林峯,要佢「峯雲再起」,而林峯就報知遇之恩,全裸做鴨都冇 say no,真係「父子情深」。

媽咪姐

林峯為一億「裸命」

林峯離開大台後,佢嘅去向終於塵埃落定啦。原來以一億賣身俾英皇,做楊受成「親生仔」,喺周一( 24日)搞咗加盟記者會㖭。









呢個「養父」楊受成仲將個記者會搞大佢,除咗唔少得英皇一姐容祖兒做旗下藝人代表外,仲拉咗袁和平、陳木勝、郭子健、莊文強、麥兆輝同岑建勳六大導撐場。睇嚟楊受成係想幫林峯搣甩 chok樣,改造成演技派演員,甚至打仔喎﹗其中袁和平就叫林峯練大隻啲,要為佢奪影帝鋪路咁話。

林峯話揀英皇都係以唱歌行先,當然有好劇本都恨拍。據講第一炮好大機會喺吳君如嘅新戲做「鴨王」,佢更唔介意「全裸」,話為藝術犧牲值得喎!都好嘅,喺大台捱咗多年,視帝都撈唔到一個,係時候走出去博一鋪,做番隻爭氣鳥咯﹗

英皇一向係獨「舞」而欠「武」,今次誠心將林峯打造為「武星」。六大導之中,袁和平、陳木勝都係武打片高手,林峯以「武」奪「帝」非難事。

祖兒呢位「一姐」好識做,大施冧功,話一早視林峯為男神喎!咦,祖兒男神唔係師兄劉浩龍咩?



鍾意就快D Share啦!