掃呢頁CODE去手機

2014年11月28日 星期五

[忽然1周 - 1009] 「元仔」多得洗碗阿姐 阿姐,汪明荃,MW,




插圖: Wendy

揞名爆

「元仔」多得洗碗阿姐

個世姪女同媽咪姐講,話覺得佢偶像好慘,出街成日俾狗仔隊影,冇晒自由喎。唉,細路女即係細路女,自由係好可貴,但一個明星出街如果冇人影,佢咪仲 hurt!

好似前排寶島型男「元仔」嚟咗香港,有一晚帶埋成班工作人員,一行十幾人去咗北角街市著名嘅熟食市場開餐,認真識食。點知佢哋浩浩蕩蕩落去到一間坐滿人嘅平民食肆,啲食客根本留意唔到佢,繼續食飯。嘩,「元仔」嗰晚 set晒頭、着到好型都冇妹妹仔埋身搵佢影合照,真係「情何以堪」呀!所以佢都食得冇乜心機。

喺呢個咁鬱悶嘅時候,最期待嘅畫面出現了!有個洗碗阿姐捧住啱啱洗完嘅杯碟行出樓面,佢真係好眼力!竟然一眼就認出「元仔」,嗱嗱臨放低啲碗,衝埋去佢張枱,問可唔可以合照。洗碗阿姐仲大大聲咁讚佢靚仔,其他伙記同食客終於知道有「星」駕到,開始猛𥄫「元仔」,又爭住影合照。「元仔」塊面即刻 sharp番, so happy!

邊個係「元仔」?

1.拍過幾套人氣台劇㗎。

2.高大,但眼唔大。



鍾意就快D Share啦!