[忽然1周 - 1009] 李彩華生完眼瘡照化濃妝 李彩華,MW,

唔好以為李彩華係素顏，所以戴太陽眼鏡，其實佢係生眼瘡化唔到妝先真！

媽咪姐

李彩華生完眼瘡照化濃妝

李彩華同林峯呢 pair過氣情侶，分手後際遇各不同，峯哥仔唔止有千語 BB，仲啱啱做埋楊受成「親生仔」。李彩華呢，冇錯呢幾年錢都搵到，可惜 31歲依然單身，所以有唔舒服，都係阿媽陪睇醫生。話說早幾日，見到李彩華母女喺養和出現，李媽媽睇落有啲緊張，媽咪姐問下佢見邊度「唔舒服囉」。

其他影片：>>李彩華呢頭生眼瘡　嗰頭化濃妝

佢話唔係媽咪有事，只係自己生眼瘡。哦，小事嚟啫，好快好番㗎！果然，李彩華粒眼瘡啱啱好番，就扮靚靚出席自己個 pre生日 party，一於冇有怕，照化眼妝，真係愛靚唔愛命！

李媽媽陪阿女睇醫生，唔知係咪趕住出門，李媽媽街坊 look咁就出嚟。而李彩華就扮到靚靚，佢手揸嗰個 Céline袋，專門店賣成 2萬銀㗎！

李彩華真係愛靚唔愛命，睇完醫生之後兩日，佢已經照化眼妝出席自己個 pre生日 party。不過仍可見佢右眼嗰粒瘡痕。

鍾意就快D Share啦！

下一篇 》