2014年11月28日 星期五

[忽然1周 - 1009] 旺角清場 何韻詩最緊張 清場,何韻詩,政治時事,MW,




周二( 25日)當日,警方同執達主任提早落旺角清除障礙物。其間同示威者發生衝突,警方再出催淚水劑鎮壓,演變成清場行動,引起混亂。

媽咪姐

旺角清場 何韻詩最緊張

唔經唔覺撐咗超過 60日嘅佔領運動,周二( 25日)由執達主任同警方出手,喺旺角清理亞皆老街障礙物。但係咁,示威者唔滿意警方偷步,早咗半日開波,咪又爆衝突囉。







而今次,一班撐佔中港星,好似黃耀明、杜汶澤同歐錦棠等等,唔見喺旺角出現。而前幾日落過去行咗個轉嘅何韻詩,對警方出催淚水劑清場就好緊張, 24小時「芒住」即時新聞,有乜依郁就喺 facebook轉發最新消息通知佔領人士,真係勤力過媽咪姐呀!

阿詩見到警方出催淚水劑,好似打 game咁。曲線指責警方經過上次一役,將行動升級。

即時匯報

早前,何韻詩去咗旺角火車站嘅擺街站聲援,企咗一段時間俾人當途人。佢睇得開,仲自嘲喺大台「被消失」,所以辨認度太弱!

何韻詩撐佔中近兩個月,最開心係見到梁麗幗(左)等一班只有十幾廿歲嘅學生 EQ好高,俾人鬧,聽完就算。

雖然只係轉載新聞,但阿詩都好快手,長時間𥄫住清場行動,更新消息,睇嚟佢真係好上心。

睇到前線嘅佔領人士互相指責,阿詩出聲叫大家唔好俾人分化。咦!咪即係佢之前講嘅甘地論,要沉着應戰。

阿澤講佛偈

旺角出催淚水劑清場後,杜汶澤就擺咗「 17世大寶法王噶瑪巴」嘅〈 An Aspiration for the World〉歌詞喺 facebook,同埋寫上「保存好難,傷害好易」嘅路牌。好玄吓!

蕭生遇襲

周一( 24日)晚,蕭若元喺自己嘅網台開咪後,返屋企途中,乘坐嘅七人車俾人追撞,又用鐵通狂扑玻璃窗。佢事後話估計同言論有關:「喺旺角區貼滿大字報,有我嘅大頭相」

平時好多說話嘅黃秋生,繼續對佔中冇嘢講。不過周二( 25日)凌晨,忽然留言話要「練功夫」,唔知佢想保護蕭生定嗰批遭清場嘅市民?

阿棠撐記者

依家忙緊演出舞台劇嘅歐錦棠,都有留意旺角清場行動。見到記者俾人拉,佢都好嬲,喺網上鬧爆警方妨礙新聞自由。



鍾意就快D Share啦!
Related Posts Plugin for WordPress, Blogger...