2014年12月5日 星期五

[忽然1周 - 1010] 秘租山頂再戰模界 樂基兒失戀喪食暴肥廿磅 樂基兒,基兒,MW,




140磅

上周二( 25日),身穿一襲黑衫的樂基兒出席活動時,一身肥肉仍然遮都遮唔住。三圍數字加碼到: 35、 29、 37

滾熱辣

秘租山頂再戰模界 樂基兒失戀喪食暴肥廿磅

愛情魔力,不但令人情緒驟起驟跌,身形亦會暴肥暴瘦。近日失戀的樂基兒( Gaile),明顯化悲憤為食慾,麒麟臂、凸腩外還多了個豪華臀,比起索爆時期脹了廿磅。

近日宣布單身的她,與老外男友 Denim在 7月還盛傳婚訊,豈料 9月已各行各路。甩拖後,她近日積極部署重新在香港模界再戰江湖,更月租 8萬山頂文輝道八號作新竇。

藉工作治情傷完全正確,不過, Gaile當務之急,要搞搞副肥腫嘅 body先。

2012年 Gaile宣布與黎明結束四年夫妻關係,不再做「天王嫂」的她,話咁快與滑水結緣的老外男友 Denim在峇里甜蜜同居。可惜熱得快亦凍得快,兩年未到,樂基兒便宣布再單身,之前掛住瘟仔 job都懶接的她,近日積極部署返模界,大展拳腳。

其實去年掛住拍拖的 Gaile,由於與男友 Denim日日滑水,操到虎背熊腰,膊頭大過衫架,身形已見走樣。近日缺乏愛情滋潤, Gaile更狂食減壓,搞到周身啖啖肉。

去年樂基兒戀上老外 Denim,今年 7月兩人更傳出婚訊。

120磅

昔日樂基兒為廣告三點式上陣,身材 fit爆。 5呎 8吋高的她,三圍數字是: 33、 24、 34

脹爆 keep短髮

樂基兒上周五( 28日)一個人去嘉蘭中心整頭髮,留了多年長髮的她,失戀後剪短,更加突出一副 pizza面。

狼吞減壓

上周二( 11月 25日) Gaile與模特兒公司男同事在中環睇衫,然後齊齊到金鐘太古廣場一間泰國菜餐廳( Thai Basil)食午飯。其間樂基兒大口大口不停把食物塞入口中,連對面的男同事也叫她不要吃得咁急。一頓飯兩個多小時,兩人甚少對話, Gaile樣子無厘心機,男同事一早吃飽飽,但她仍然不停吃呀吃。

由於「柯打」的食物實在太多,兩人吃不完,最後埋單時只好「打包」走,絕無嘥嘢。

「 Gaile點會唔知身形會影響呢行嘅工作,不過佢冇乜動力減肥,話過咗聖誕至算。以前佢唔開心會蒲吓開心吓,依家就唔願出夜街,朋友試過連續幾晚約她,她都話唔想出去。」

上周六( 11月 29日) Gaile一個人去銅鑼灣整頭髮,穿上黑色短裙的她,象腿無所遁形,粉臉因為冇化妝,更顯得肥腫難分。為了掩飾脹爆身材,她穿了件厚身的冷外套,但卻反令她更腰圓背厚。

包包面

樂基兒曾設計自家首飾品牌「 Smoky Roses by Gia」,不過生意似乎一般,難怪要回港搵真銀。

上月出席活動時,騷價企硬十萬,咁高薪,難怪同過氣情敵徐子珊同場都話「唔介意」。

果糖代水

食到自己肥大粗壯的樂基兒,上周五恤髮前,都忍唔住買咗支果汁。解渴就解渴嘞,不過果糖都唔少。

狼吞虎嚥

上周二( 25/11)中午樂基兒與公司同事一起食泰國菜,她一分鐘豪吞四大啖餸。連男同事都忍唔住叫佢食慢啲。

失戀暴肥暴瘦

女人失戀,可以完全變成另一個人,暴肥又有,暴瘦又有,「變身」程度嚇死人。

郭永淳前妻 瘦剩 50磅

永安集團太子爺郭永淳因搭上楊愛瑾( Miki),搞到老婆 Connie患上厭食症,要切去整個胃部及大部分小腸與膽囊。由昔日 120磅的豐滿身形,到今日只剩下 50磅。

張栢芝 時肥時瘦

當被傳與霆鋒復合有望時,張栢芝可以暴肥 10磅以上。但知道鋒菲再戀後,張栢芝又再瘦至不足 90磅。

韓君婷 變火柴人

曾肥到 150磅的她,其後因為感情失意,患上抑鬱及厭食症,體重一度跌到只得 80磅。

做生意鬧翻

曾為男友犧牲的她,本來打算轉型做設計師,開設首飾品牌生意「 Smoky Roses by Gia」,又斥資數十萬在峇里買沙灘。不過原來亦因為做生意與男友 Denim意見不合。

「 Denim唔係好識經營,一味亂投資, Gaile唔想再亂揼水, Denim就話 Gaile唔信佢,兩個亦開始愈嚟愈多意見分歧。加上日對夜對, Gaile開始睇清楚 Denim真面目。 Denim雖然想箍煲,但女方就去意已決。」

部署長駐香港, Gaile唔想捱酒店貴租,於是就索性以 8萬蚊,月租山頂的香港前政府高級公務員宿舍文輝道八號。

「之前 Gaile返香港,唔係住朋友家就係住酒店,依家長住,咪搵番個竇囉。山頂嗰度搬咗去都唔夠一個月,佢打算打點好新居後,就返美國同屋企人過聖誕先,明年初至返香港。

「佢打算將峇里嘅物業放售,蝕少少冇所謂。 Gaile把口話工作緊要,但個個都知今次佢好傷。佢仲同朋友講以後搵男友要睇定啲,唔好咁易投放感情。」

和 Denim長住峇里的日子,樂基兒不時滑浪,更買下一個海灘,難怪當時身形甚 fit。現在情不再,有傳她已賣出海灘。

去年樂基兒左手被發現戴上鑽戒,而她為了 Denim,在峇里長住,可惜始終嫁唔成。

借酒澆愁

上周三( 26/11)晚樂基兒一身黑喱士透視裙到中環 ifc,出席手機品牌派對。派對後,已有醉意的她由同事扶住上車。

之前 Gaile返港大多住朋友家,但當晚公司車將樂基兒送返山頂文輝道 8號。

有仔埋身

近年修心養性減少夜蒲的 Gaile,當晚不少外籍猛男埋身,證明她大把市場。不過出席「俾面派對」,只是為了打好關係。

秘住半山

文輝道 8號是前政府高級公務員宿舍,現在公開放租及放售。實用面積近三千呎,連車位月租近 8萬元。看來一心返港發展的她,已秘租上址,



鍾意就快D Share啦!
Related Posts Plugin for WordPress, Blogger...