掃呢頁CODE去手機

2014年12月12日 星期五

[忽然1周 - 1011] 小儀「消失」森美嬲爆 森美,小儀,MW,




媽咪姐

小儀「消失」森美嬲爆

森美同小儀呢一 pair拍檔,拍咗咁多年梗係有默契不過再好嘅拍檔都會有拗撬。上個星期媽咪姐準時收聽森美小儀主持《早霸王》,節目一開始森美就話小儀心情唔好唔出聲,但跟住兩日都聽唔到小儀把聲,唔通佢哋嗌交反面?

森美小儀合作咁多年,小儀一直都係「下把」位,成日俾森美整蠱,但默契嚟講佢哋真係十足。

點知星期三,小儀就喺節目解畫,原來佢放假去咗日本旅行,但係又冇同聽眾講聲,激親森美,所以佢先至唔幫小儀交代。哦!原來係虛驚一場,嚇親媽咪姐,仲以為小儀想唔撈㖭!下次唔好咁冇搭霎喇!

小儀都算當黑,除咗激嬲森美,放假嗰陣,佢間車仔麵舖發生火警,不過好彩冇人受傷,小儀仲喺 facebook報平安㖭!



鍾意就快D Share啦!