全城熱爆的娛樂八封新聞 & 時事趣聞 & 生活 + 趣聞
女神喺隔籬繑到實，小鳥依人咁，但張繼聰全程都淨係掛住玩電話，呢啲唔通就係人哋講嘅「振夫綱」？
霉足多年嘅張繼聰，近年憑住兩套《老表》劇，加埋操肌，又俾佢鹹魚翻生喎！唔再係「廢柴老公」嘅佢，呢日同老婆謝安琪（ Kay）去銅鑼灣鳩嗚，連行步路都自信過人。
梗係有個人人敬仰嘅女神 Kay陪佢，仲挨住繑到實一齊出巡。媽咪姐見佢個頭未抬起過，視線一直 mon住部電話，但阿 Kay冇埋怨老公，仲瞌埋眼繑住行，兩個都冇睇過條路，勁！之後張繼聰入咗 salon整頭，掉低咗 Kay喺隔籬間 SaSa度等。睇女神個樣發晒呆，一樣肯陪老公，媽咪姐真係寫個服字呀！
張繼聰入咗 salon整頭嗰陣， Kay仲放低身段踎喺 SaSa入面，一路揀平價化妝品一路等老公㖭，真係唔話得！
啱啱喺谷底彈番上地面嘅張繼聰，個額頭似乎鑿住咗個「寸」字喎！
