靚抽王
蠟像館猜謎遊戲
強國河南一個樓盤，放置咗一批蠟像，原意大概係為咗裝飾場地，增加宣傳效果（我估）。一般蠟像館以「像真度」取勝，重點在於明知係山寨但係就好真。但係強國人思維一向都難以捉摸，河南嘅蠟像，重點就在於明知係山寨，但係都好假，即係比山寨更山寨，比老翻更老翻，成單嘢有幾誇？睇過：
范冰冰老到變咗宮雪花，同時再用埋美圖秀秀，就會係左邊幅圖咁嘅樣。
戇豆先生患末期癌症前（右邊），戇豆先生患末期癌症後（左邊）。
着住西裝又曬到好黑嘅強國民工。……係囉，我覺得佢似一個着住西裝嘅曬到好黑嘅強國民工，多過似奧巴馬囉！
同場加映
嗱，唔好話我哋成日針對強國，查實英國羅福郡有個蠟像館都相當抵死：
估吓佢哋係邊個？之唔係一名以為自己好似碧咸嘅鬼佬，同埋一名以為自己好似碧咸嫂嘅鬼婆囉。咪以為係鬼佬就係碧咸，係鬼婆就係碧咸嫂先得㗎！
膠事國際
國際膠事無奇不有，每期膠事國際為你帶嚟最熱門嘅世界性膠事話題。
|
鍾意就快D Share啦！
|
|
|
