2014年12月12日 星期五

[忽然1周 - 1011] 陳小春突襲跑馬地 小春,陳小春,MW,




陳小春身穿懷舊花恤衫、梳個蛋撻頭、再加充滿戾氣嘅眼神,成個當年山雞 look出晒嚟!

媽咪姐

陳小春突襲跑馬地

早兩日跑馬地出現一股黑勢力!呢股黑勢力犀利咯,香港幾乎無人不識,佢咪係退隱咗江湖、結婚生埋仔,綽號洪興山雞哥嘅陳小春囉!呢日山雞哥難得撇低老婆應采兒,喺司機同助手陪同下,來勢洶洶咁去到跑馬地大少爺茶餐廳開飯。嗱,山雞哥地位真係大不同,明明正值午飯時間要排隊,但佢只係岌吓頭就入得。咦,唔好誤解,媽咪姐唔係指摘山雞哥打尖,只係佢同老細熟嘛,呢啲咪地位同氣勢囉!







小春先喺餐廳門口𥄫一輪,跟住同老細打個招呼,咁就入咗去

好彩佢唔係磨爛蓆,一坐低就點嘢,食物一到,唔使 15分鐘搞掂閃人,都算識做。

應采兒早兩日喺微博鋪咗囝囝張相出嚟,仲話囝囝造型似足老竇。



鍾意就快D Share啦!
Related Posts Plugin for WordPress, Blogger...