掃呢頁CODE去手機

2014年12月12日 星期五

[忽然1周 - 1011] 梁乃鵬叫大台星返大陸 MW,




梁乃鵬話大陸播《衝上雲霄 2》,點擊率有 9億幾,到《使徒行者》仲大收 19.5億,對當地市場有信心喎!

媽咪姐

梁乃鵬叫大台星返大陸

媽咪姐成日都同啲姊妹講,好工不如好老闆。睇吓大台行政主席梁乃鵬幾大方先得㗎!周一( 8日)開始連擺兩晚盆菜宴,同班員工圍埋開飯,台上致詞嗰陣,仲同大家講:「收視滑落唔怕認,但只係短時期嘅現象,我哋繼續努力,唔好淨係睇住香港小小嘅地方,要放眼神州。」咁講即係叫大家返大陸拍劇賺人仔

聽完老細講番咁鼓舞嘅說話,作為當晚司儀嘅安德尊好識做,呼籲咗幾次嗌大台口號,但台下員工睇嚟都幾餓吓,冇人出聲,只係低頭食盆菜。辛苦搵嚟自在食,啱嘅!

安德尊喺台上講嘢,台下冇反應,好似喺酒廊咁,尷尬咗啲囉。

有傳阿佘攞硬視后,佢風騷話:「我唔知要拉票喎!今晚唔係嚟食飯咩?」幾有霸氣呀!

以前帶埋大聲公嚟拉票嘅徐子珊,有傳佢患咗抑鬱唔想續約,佢話自己冇事,但只係想低調嚟食餐飯。嘉欣 BB就話以平常心爭獎。

拍緊劇嘅江美儀,着住浴袍出現,都俾同事捉住佢同楊怡集郵。



鍾意就快D Share啦!