【超低胸婚紗】33歲楊洛婷嫁人 與Dear Jane主音Tim晒鬼馬婚照
2014-12-12 14:17:00
恭喜楊洛婷同阿Tim﹗(蘋果日報)
03年度香港小姐亞軍楊洛婷，日前傳出同拍拖8年嘅樂隊Dear Jane主音Tim（黃天翱），神神秘秘去咗美國夏威夷搞婚禮。
據知只招待雙方家長同親屬，回港後，先同親戚朋友食番餐補祝，自從楊洛婷同阿Tim拍拖咁耐，二人感情穩定，早就認定咗對方，早前楊洛婷都大方承認有計劃閃婚，不過一定唔喺香港搞，仲甜絲絲透露男友每日都叫自己嫁畀佢，真係sweet到暈!
33歲嘅楊洛婷今日終於向大家發放婚照，大晒新婚之喜，楊洛婷穿上白色Sweetheart超低胸婚紗，流露出幸福新娘子嘅甜美笑容，阿Tim則化身白馬王子，非常合襯。其中一張相，更見楊洛婷高舉花球、二人同樣張口大叫，默契十足，佢哋都有穿中式禮服跪在地上、十指緊扣與愛犬合照，雖然佢哋都喺外國長大，仍然不忘中式傳統。
另一張婚照又見楊洛婷換上紫色禮服，深情望住身穿螢光粉紅外套、紅色長褲嘅阿Tim，楊洛婷更把手放在老公肩膀。由於阿Tim自11歲就隨屋企人移民美國，於夏威夷大學主修音樂，唔知楊洛婷係唔係遷就男友先去當地搞婚禮，不過一睇姊妹團都未見有圈中人參與，就知佢哋只係想低調完婚喇!
兩公婆好有默契!
情深對望!!!
woo!woo!
|
鍾意就快D Share啦！
|
|
|
