被珍姐點名封殺的翠如 BB，近日放大假偕男友蕭正楠密遊東京回港後，唯一工作是出席活動賺外快。
娛樂喧
收視插水 余詠珊趁亂抽劇 翠如 BB鍊輸萬綺雯
上周大台三線劇跌破新低，其中送飯時段處境劇更跌至 1字頭，一班高層騰晒雞。
由楊怡、馬明擔正的古裝劇，原定安排在下周二（ 16日）出街，預告宣傳片亦已在上周播出。據知余詠珊為求解凍愛將翠如 BB，竟暗地向管理層獻計，臨時抽走楊怡古裝劇，令翠如 BB出生天。可是，戲劇組揸 fit人曾勵珍堅持封殺黃翠如，結果由萬綺雯擔正的新劇頂上。
兩邊女高層鬥到出面，不單損害藝人利益，更揭示大台進退失據，亂到九彩。
珍姐帶頭反對
全台上下士氣低落，近日大台劇更全部仆直，三線劇收視徘徊在一字尾二字頭。回天乏力，大台內政更顯得進退失據。上周三（ 3日），在黃金時段期間，大台播出由楊怡和馬明擔正的古裝新劇《宦海奇官》預告片，更表明會在下周二（ 16/12）播出，但預告片卻在翌日離奇「消失」。知情人說：「上個禮拜四（ 4日），公司監製突然召開大會，話要抽走楊怡套古裝劇，話大家當冇睇過條宣傳片。我哋喺度做咁多年，真係好少會咁突然。跟住 Sa姐（《師奶 Madam》監製李艷芳）就帶頭提議話改播《師奶 Madam》，因為題材生鬼啲，加埋 Edwin（蕭正楠）同翠如真拍拖，緋聞有助宣傳。」可是，珍姐早落 order要棄用黄翠如拍劇，更遑論播她的劇。據知她在會中寧放棄愛將蕭正楠，亦要大力反對播《師奶》。知情者說：「珍姐大大聲話：『又播 Edwin？唔係嘛！睇《名門》仲睇唔夠呀？收視都冇好過！』最後大家一致推萬綺雯套時裝劇《八卦神探》頂上。」
難度宣傳期
大台在宣傳片出街後才臨時抽劇極為罕見。據知此舉動其實是余詠珊暗中向管理層獻計，指《醋娘子》和《宦海》兩套古裝劇放在一齊，必定會再拖低收視。繼而派自己親信李艷芳在會中力推翠如 BB，實行裏應外合，可惜到頭來遭死對頭珍姐打壓，功虧一簣。
高層內鬥卻害苦了一班演員，早已為新劇度了宣傳期的馬明、楊怡固然無辜成犧牲品，而忽然有劇上的萬綺雯，礙於近日已入新劇組，難以度期配合宣傳，加上其他演員如朱晨麗要為新劇密密開工，首度拍電視劇的麥玲玲亦要中港兩邊飛，難以抽時間。最後《八卦神探》宣傳重任便落在冇劇開的李思捷一人身上。
一人私慾，兩派惡鬥，最後卻苦了一眾演員。
全軍覆沒
港視成功開網台，《警界線》及《選戰》都贏盡口碑，故近期大台播出的三線劇可謂兵敗如山倒，上周《愛•回家》、《名門暗戰》及《醋娘子》均全部收視插水。
|
鍾意就快D Share啦！
|
|
|
