全城熱爆的娛樂八封新聞 & 時事趣聞 & 生活 + 趣聞
呢日黃浩然做完嘢，即刻返屋企去到樓下間 coffee shop買啡。飲完，仲外賣啲咖啡豆返歸俾老婆嘆。
最近黃浩然喺台慶劇入面飾演反派，真係奸到出汁，做戲嘅嘢，你明嘅。查實佢本人對老婆不知幾好！事關媽咪姐見佢私底下黐家到爆，好多時一收工，就極速返屋企交人，最多係路經樓下間 coffee shop，入去買杯啡止止渴。
之但係，早排患上貝賽特氏症嘅佢，出院後應該聽醫生吩咐，多啲休息。依家佢連車都少揸咗，出入盡可能搭的士，慳番啲油費，仲可以俾 fans集郵，一睇就知雙贏不過住喺寶馬山，要截車並唔係咁易。呢日佢等咗好耐都冇車，最後咪又係要靠自己，返入去攞車，陰功豬咯！
有車唔想揸 不過最後黃浩然都等唔到車，惟有死死哋氣攞車自駕出入
明年係黃浩然同老婆莫家嘉結婚十周年，依家有兩個小朋友要養，慳住使錢都啱嘅。
