掃呢頁CODE去手機

2014年12月12日 星期五

[忽然1周 - 1011] 強!劉嘉玲 19年不變 劉嘉玲,嘉玲,MW,




2014年

呢一套並唔係復刻版,只係嘉玲將 Christian Dior嘅 95年秋冬系列,喺櫳底拎番出嚟着。最令人羨慕係佢嘅另一半梁朝偉,咁多年都係咁靚仔,咁長情。

媽咪姐

強!劉嘉玲 19年不變

咪話媽咪姐貪靚,做女人嘅生日願望,梗係希望「青春常駐」睇吓啱啱慶祝咗 49歲生日嘅劉嘉玲仲幾靚,佢話得高人指點,要喺 50歲前開 party大事慶祝,所以就揀咗君悅擺十幾圍,請百六親友嚟賀壽。







唔知係咪高人叫佢豪得嚟要低調啲,呢次雖然使咗百萬搞 party,但嘉玲着嘅黑白晚裝,係 19年前 Dior出品,佢到依家仲係着得咁 fit,身材同樣貌好似入咗超自然冷凍庫咁冇變過,真係令人好葡萄呀!

當年今日

1995年

嘉玲喺 19年前同偉仔出席台灣金馬獎,都係着住同一條裙,睇佢身材咁多年冇變, keep得真係好。

記者話嘉玲好有 face請到四大美人。佢哈哈笑:「係呀!係我嗰個年代嘅美人!」睇吓關之琳帶埋台灣富商未婚夫陳泰銘上台,真係勁俾面。

場內布置成如花園嘅擺設,都唔夠嘉玲豪氣地舉杯一飲而盡咁有魅力。

雖然入得場都係朋友,但捕獲野生梁朝偉呢啲咁重要時刻,集郵是常識吧!

張學友真係唔話得,禮到仲上台開金口助興,睇佢個樣唱得幾投入。

媽媽係畫家嘅嘉玲,好鍾意藝術,呢晚就請咗法國畫家到場。佢仲以手代筆,將嘉玲 12歲時嘅樣入畫,送俾壽星女。

王菲撇甩男友謝霆鋒單拖到場賀老友生日,但俾嘉玲話佢麻煩,唔可以請李亞鵬嚟玩。

64歲嘅劉曉慶拍埋細佢 15年嘅劉嘉玲度,都係逆時光啲 friend。加埋身後嘅布景板,喺 50英鎊紙幣上嘅女王頭換上嘉玲個樣,呢個畫面真係好 amazing呀!

美人時興擺大壽

青霞姐姐喺上個月都擺咗 60大壽,當晚仲換咗 4套晚裝,嘉玲同朝偉都有去賀佢。



鍾意就快D Share啦!