掃呢頁CODE去手機

2014年12月4日 星期四

[壹週刊 - 1291] 撐港視 益商台 無綫算賬陰乾阮兆祥 港視,無綫,阮兆祥,M1,




探熱針

撐港視 益商台 無綫算賬陰乾阮兆祥

阮兆祥在自己主場的棟篤笑開口撐港視開台,隨口噏有手尾,被飛出《歡樂滿東華》;加上跟商台合作搞棟篤笑進賬二百萬,搵錢唔預無綫,更加罪不可恕!殺一儆百,罪人祥仔在新劇《性在有情》戲份被大幅刪減外,在大台的工作量會逐漸遞減至零,慢慢將阮兆祥陰乾!

白色恐怖

阮兆祥跟商台合作做棟篤笑,四場全爆,二百萬落袋,但此舉卻惹來無綫不滿,阮兆祥女友 Crystal近日亦在 fb暗示男友遭受白色恐怖。

「祥仔喺棟篤笑明撐王維基開台固然辣㷫無綫,除咗呢樣,余詠珊唔妥陳志雲都係原因,之前無綫唔俾黎芷珊過商台做節目,祥仔可以開咪,已經算係特別優待,但佢再同商台做埋棟篤笑,余詠珊就好唔順氣,因為佢覺得無綫藝人喺商台做任何嘢,都係益咗陳志雲。」知情者說。

余詠珊在無綫揸 fit後,為排除異己,將唔係自己友列入黑名單,更被網民指係小氣方丈。

小心「山」姐

預告白色恐怖



女友 Crystal睇唔過眼,近日連環在 facebook暗示祥仔遭白色恐怖,更叫大家留意事態發展。

秋後算賬

女友踢爆已遭到大台處分,阮兆祥未有直接承認。

「祥仔做咗咁多年,就算俾人祭旗都唔會出聲。幾日前仲將新劇造型相鋪微博,照幫公司做宣傳;其實佢心裡有數,新劇《性在有情》個劇本未出晒,佢預咗會俾人減戲。祥仔幫商台做棟篤笑賺到錢, TVB覺得佢有嘢唔益公司,一定秋後算賬。」一名無綫人說。

加上有傳阮兆祥明年約滿後不再續約,大台雖然未有即時將他飛出新劇,但有指高層已下令,減少阮兆祥曝光機會,直至全面隱形。

今年 5月,祥仔加盟商台主持節目《一圈圈》,陳志雲特地買蛋糕在記者會送給他。

曾志偉早前傳出與余詠珊不和,祥仔在棟篤騷邀請對方上台做嘉賓,此舉有否辣㷫方丈?

祥仔搞笑功夫有番咁上下,上年人氣劇《 My盛 Lady》,雖然拍住黃子華做男二,但跟陳敏之做一對的他依然搶晒鏡。



早前為棟篤笑宣傳拍了一段《齊陰的母親》,最後為怕一男子小器,自動刪走冇在棟篤騷出現。

祥仔人緣好,開騷有合作過的藝人捧場外,已過檔 now的金牌監製梅小青(左二)、劉家豪(左三)以及樂大媽都有撐場。

冇手軟

撐港視,益商台,罪大惡極,無綫嚴懲阮兆祥外,對唔續約的林峯、未落實續約的胡杏兒,同樣施以懲戒,小器到呢!

林峯

林峯決定離巢後,被無綫指忘本,孭飛演出的《使徒行者》,宣傳焦點集中女主角佘詩曼身上,更有內部指令,林峯要過兩年冷河,才可重現大台。

胡杏兒

明年約滿的胡杏兒,至今仍未知去留,無綫於是先發制人,將她孭飛新劇《醋娘子》押後推出,令她無機會入圍角逐今年視后,焗胡杏兒就範。



鍾意就快D Share啦!